കൊല്ലം: കൊല്ലം തെന്മലയില് യുവാവിനോട് അക്രമികളുടെ കൊടും ക്രൂരത. യുവാവിനെ നഗ്നനാക്കി റോഡിലെ പോസ്റ്റില് കെട്ടിയിട്ട് ക്രൂരമായി മർദ്ദിച്ചു.തെന്മല ഇടമണില് കഴിഞ്ഞ വ്യാഴാഴ്ച രാത്രിയായിരുന്നു നടുക്കുന്ന സംഭവമുണ്ടായത്. ഇടമണ് സ്വദേശി നിഷാദിനാണ് ക്രൂര മർദ്ദനമേറ്റത്. കേസില് പ്രതികളായ 4 പേരെ പൊലീസ് അറസ്റ്റ് ചെയ്തു. ഇടമണ് സ്വദേശികളായ സുജിത്ത്, രാജീവ്, സിബിൻ, അരുണ് എന്നിവരാണ് അറസ്റ്റിലായത്.