കോഴിക്കോട്: കോഴിക്കോട് ചാത്തമംഗലം വെള്ളനൂരിലെ അടക്ക മോഷണത്തില്‍ രണ്ട് പേര്‍ കുന്ദമംഗലം പൊലീസിന്‍റെ പിടിയില്‍.ചെറൂപ്പ സ്വദേശിയായ കുറ്റിക്കടവ് കാളമ്ബാലത്ത് വീട്ടില്‍ ജംഷീർ (28) അരീക്കോട് സൗത്ത് പുത്താലം ആലുങ്ങല്‍ തൊടി സവാദ് (30) എന്നിവരെയാണ് പൊലീസ് പിടികൂടിയത്. വെള്ളന്നൂര്‍ ഭാഗത്ത് കവുങ്ങിൻ തോട്ടങ്ങളില്‍ സ്ഥിരമായി അടക്ക മോഷണം പോകുന്നു എന്ന പരാതി ഉയര്‍ന്നിരുന്നു.
ഇതിന്‍റെ ഭാഗമായി പ്രദേശത്ത് പൊലീസ് പട്രോളിങ് ഊര്‍ജ്ജിതമാക്കി. ഇതിനിടെ സംശയാസ്പദ സാഹചര്യത്തില്‍ പ്രദേശത്ത് കണ്ട് പ്രതികളെ ചോദ്യം ചെയ്തതോടെയാണ് മോഷണത്തില്‍ ഇവരുടെ പങ്ക് സ്ഥിരീകരിച്ചത്.പിടിയിലായ കുറ്റിക്കടവ് സ്വദേശി ജംഷീർ നേരത്തെ എംഡിഎം എ പിടികൂടിയ കേസില്‍ ജയിലില്‍ കിടന്നിട്ടുണ്ട്. അറസ്റ്റ് രേഖപ്പെടുത്തിയ പ്രതികളെ കോടതിയില്‍ ഹാജരാക്കി റിമാൻഡ് ചെയ്തു.