തിരുവനന്തപുരം: ഡിവൈഎഫ്‌ഐ പരിപാടിയില്‍ ശശി തരൂരിന് ക്ഷണം. തിരുവനന്തപുരത്ത് നടക്കാനിരിക്കുന്ന സ്റ്റാര്‍ട്ട് അപ് ഫെസ്റ്റിവലിലേക്കാണ് തരൂരിനെ ക്ഷണിച്ചത്. മാര്‍ച്ച് 1,2 തിയ്യതികളില്‍ തിരുവനന്തപുരത്താണ് പരിപാടി.സൂറത്തില്‍ പരിപാടി ഉള്ളത് കൊണ്ട് പങ്കെടുക്കാന്‍ ആകില്ലെന്ന് തരൂര്‍ വ്യക്തമാക്കി. പരിപാടിക്ക് തരൂര്‍ ആശംസ നേര്‍ന്നു.
കേരളത്തില്‍ സ്റ്റാര്‍ട്ട് അപ്പ് മേഖലയിലെ വളര്‍ച്ചയെ പ്രശംസിച്ച് ശശി തരൂര്‍ ഇന്ത്യന്‍ എക്‌സ്പ്രസില്‍ എഴുതിയ ലേഖനം ഏറെ വിവാദമായ സാഹര്യത്തില്‍ ഈ നീക്കത്തിനു പിന്നില്‍ രാഷ്ട്രീയ ലക്ഷ്യമുണ്ടെന്ന വിലയിരുത്തലുണ്ട്. എന്നാല്‍ കേരളത്തിലെ സ്റ്റാര്‍ട്ടപ്പ് അന്തരീക്ഷത്തെപ്പറ്റി സത്യസന്ധമായ നിലയില്‍ അഭിപ്രായം രേഖപ്പെടുത്തിയ ആള്‍ എന്ന നിലയിലാണ് തരൂരിന് ക്ഷണിച്ചതെന്ന് സംസ്ഥാന സെക്രട്ടറി വികെ സനോജ്.പറഞ്ഞു. പരിപാടികള്‍ക്ക് നേരത്തെയും കോണ്‍ഗ്രസ് നേതാക്കന്മാരെ ക്ഷണിച്ചിട്ടുണ്ട് ചിലര്‍ വരും ചിലര്‍ വരില്ല.
തിരുവനന്തപുരത്തെ എംപി എന്ന നിലയില്‍ കൂടിയാണ് അദ്ദേഹത്തെ ക്ഷണിച്ചത്. വികസനത്തില്‍ രാഷ്ട്രീയം നോക്കാറില്ല എന്നാണ് അദ്ദേഹം പറഞ്ഞത്. നേരത്തെ തീരുമാനിച്ച പരിപാടികള്‍ ഉള്ളതുകൊണ്ട് എത്താന്‍ സാധിക്കുമോ എന്ന് അറിയില്ല എന്ന് അദ്ദേഹം പറഞ്ഞു. ഇപ്പോഴത്തെ വിവാദങ്ങളുടെ പേരില്‍ സംഘടിപ്പിച്ച പരിപാടിയല്ല ഇത്.. ഞങ്ങളുടെ പരിപാടിയിലേക്ക് അദ്ദേഹത്തെ ക്ഷണിച്ചു മറ്റു വാര്‍ത്തകള്‍ക്ക് അടിസ്ഥാനം ഇല്ല. ശശി തരൂരിനോട് പല കാര്യങ്ങളിലും അഭിപ്രായവ്യത്യാസം ഉണ്ട്. യൂത്ത് കോണ്‍ഗ്രസിന്റെ പ്രതിഷേധം വിലകുറഞ്ഞ രാഷ്ട്രീയമാണ്. കേരളത്തെ കോണ്‍ഗ്രസ്സും യൂത്ത് കോണ്‍ഗ്രസും അവഹേളിക്കുകയാമെന്നും സനോജി പറഞ്ഞു.