ബംഗാള്‍ സ്വദേശി പിടിയിലായി; പരിശോധനയില്‍ കിട്ടിയത് മൂന്നര കിലോ കഞ്ചാവ്
മലപ്പുറം: തിരൂരങ്ങാടി ഒതുക്കുങ്ങലില്‍ 3.5 കിലോഗ്രാമിലധികം കഞ്ചാവുമായി പശ്ചിമ ബംഗാള്‍ സ്വദേശിയെ അറസ്റ്റ് ചെയ്തു.താഹെർ അലി ഷേഖ് (33) എന്നയാളാണ് പിടിയിലായത്. മലപ്പുറം എക്സൈസ് സ്പെഷ്യല്‍ സ്‌ക്വാഡ് സർക്കിള്‍ ഇൻസ്‌പെക്ടർ നൗഫല്‍ എ ന്റെ നേതൃത്വത്തില്‍ എക്സൈസ് സ്പെഷ്യല്‍ സ്‌ക്വാഡും ഉത്തര മേഖല കമ്മീഷണർ സ്‌ക്വാഡും സംയുക്തമായി നടത്തിയ പരിശോധനയിലാണ് കഞ്ചാവ് കണ്ടെടുത്തത്.
എക്സൈസ് ഇൻസ്‌പെക്ടർ ഷിജുമോൻ ടി, അസിസ്റ്റന്റ് എക്സൈസ് ഇൻസ്‌പെക്ടർ(ഗ്രേഡ്) പ്രകാശ് പുഴക്കല്‍, സിവില്‍ എക്സൈസ് ഓഫീസർമാരായ സുരേഷ് ബാബു, വിനീത്, അഖില്‍ദാസ് ഇ, സച്ചിൻദാസ്, പ്രവീണ്‍, അലക്സ്, സൈഫുദ്ദീൻ വിടി, സബീർ.കെ, വനിത സിവില്‍ എക്സൈസ് ഓഫീസർ വിനിത.എല്‍ എന്നിവരും കേസെടുത്ത സംഘത്തില്‍ ഉണ്ടായിരുന്നു.