ശ്രീശങ്കരാചാര്യ സംസ്കൃത സർവ്വകലാശാലയുടെ എജ്യൂക്കേഷൻ വിഭാഗത്തില്‍ പ്രൊഫസർ / അസോസിയേറ്റ് പ്രൊഫസർ / അസിസ്റ്റന്റ് പ്രൊഫസർ തസ്തികകളില്‍ കരാർ അടിസ്ഥാനത്തില്‍ അധ്യാപകരെ നിയമിക്കുന്നതിന് വാക്ക്-ഇൻ-ഇന്റർവ്യൂ നടത്തുന്നു.മാർച്ച്‌ 28ന് രാവിലെ 11ന് സർവ്വകലാശാലയുടെ കാലടി മുഖ്യക്യാമ്ബസിലാണ് വാക്ക്-ഇൻ-ഇന്റർവ്യൂ നടക്കുക.
പ്രൊഫസർ അല്ലെങ്കില്‍ അസോസിയേറ്റ് പ്രൊഫസർ യോഗ്യതയുള്ളവരെയാണ് എജ്യൂക്കേഷൻ വകുപ്പിന്റെ തലവനായി നിയമിക്കുക. സയൻസ്, മാത്തമാറ്റിക്സ്, സോഷ്യല്‍ സയൻസ്, കൊമേഴ്സ്, ഭാഷകള്‍ എന്നിവയില്‍ ഏതിലെങ്കിലും പി.ജിയും എഡ്യൂക്കേഷനില്‍ പി.ജിയും പി.എച്ച്‌ഡിയും ഉള്‍പ്പെടെ യു.ജി.സി. നിഷ്കർഷിച്ചിരിക്കുന്ന യോഗ്യതകള്‍ നേടിയവർക്ക് പ്രൊഫസർ/ അസോസിയേറ്റ് പ്രൊഫസർ തസ്തികയിലേക്ക് അപേക്ഷിക്കാം. എഡ്യൂക്കേഷണല്‍ അഡ്മിനിസ്ട്രേഷൻ അഥവാ ലീഡർഷിപ്പില്‍ ഡിപ്ലോമ അല്ലെങ്കില്‍ ബിരുദം അഭിലഷണീയം. ഏതെങ്കിലും അംഗീകൃത ടീച്ചർ എഡ്യൂക്കേഷൻ ഇൻസ്റ്റിറ്റ്യൂഷനില്‍ നിന്നും പത്ത് വർഷത്തെ അധ്യാപന പരിചയം നേടിയവർക്ക് പ്രൊഫസറായും എട്ട് വർഷത്തെ അധ്യാപന പരിചയം നേടിയവർക്ക് അസോസിയേറ്റ് പ്രൊഫസറായും അപേക്ഷിക്കാം. പ്രൊഫസർക്ക് പ്രതിമാസം 50,000/- രൂപയും അസോസിയേറ്റ് പ്രൊഫസർക്ക് പ്രതിമാസം 45,000/- രൂപയുമാണ് പ്രതിമാസവേതനം. ഒഴിവ് : ഒന്ന്.
അംഗീകൃത സർവ്വകലാശാലയില്‍ നിന്നും 55% മാർക്ക് അല്ലെങ്കില്‍ തത്തുല്യ ഗ്രേഡോടെ എം.എഡ്. നേടി യു.ജി.സി. നിഷ്കർഷിച്ചിരിക്കുന്ന മറ്റ് യോഗ്യതകളുള്ളവർക്ക് അസിസ്റ്റന്റ് പ്രൊഫസർ തസ്തികയിലേക്ക് അപേക്ഷിക്കാം. ഒഴിവുകളുടെ എണ്ണം : രണ്ട്. സൈക്കോളജി, ഫിലോസഫി, സോഷ്യോളജി അല്ലെങ്കില്‍ അനുബന്ധ വിഷയങ്ങളിലെ ബിരുദാനന്തര ബിരുദം അഭിലഷണീയം. അസിസ്റ്റന്റ് പ്രൊഫസറുടെ പ്രതിമാസവേതനം 35,000/- രൂപ. യോഗ്യരായ ഉദ്യോഗാർത്ഥികള്‍ യോഗ്യത തെളിയിക്കുന്ന സർട്ടിഫിക്കറ്റുകളും ബയോഡാറ്റയും സഹിതം മാർച്ച്‌ 28ന് രാവിലെ 10.30ന് സർവ്വകലാശാല ആസ്ഥാനത്ത് ഹാജരാകണം. കൂടുതല്‍ വിവരങ്ങള്‍ക്ക് www.ssus.ac.in സന്ദർശിക്കുക.
സംസ്കൃത സർവ്വകലാശാലയില്‍ ഓണ്‍ലൈൻ സംസ്കൃതം കോഴ്സ്; അവസാന തീയതി ഏപ്രില്‍ 20
ശ്രീശങ്കരാചാര്യ സംസ്കൃത സർവകലാശാലയിലെ സെന്റർ ഫോർ ഓണ്‍ലൈൻ ലേണിംഗിന്റെ ആഭിമുഖ്യത്തില്‍ നടത്തുന്ന ഹ്രസ്വകാല ഓണ്‍ലൈൻ സംസ്കൃതം കോഴ്സിലേക്ക് അപേക്ഷ ക്ഷണിച്ചു. ബേസിക് സാൻസ്ക്രിറ്റ് കോഴ്സ് ഇൻ മലയാളം എന്നാണ് ഓണ്‍ലൈൻ കോഴ്സിന്റെ പേര്. പ്രായപരിധിയില്ല.
മലയാളത്തില്‍ എഴുതാനും വായിക്കാനും കഴിയുന്നവർക്ക് അപേക്ഷിക്കാം. കോഴ്സിന്റെ ദൈർഘ്യം 14 ആഴ്ച. 20 മണിക്കൂർ ക്ലാസുണ്ടായിരിക്കും. കോഴ്സ് ഫീസ് 2500/- രൂപ. ഏപ്രില്‍ 15 മുതല്‍ ഓണ്‍ലൈനായി അപേക്ഷിക്കണം. ഏപ്രില്‍ 20 വരെ അപേക്ഷകള്‍ സ്വീകരിക്കും. മെയ് 10ന് കോഴ്സ് ആരംഭിക്കും. സെപ്തംബർ 10ന് അവസാനിക്കും. ഓണ്‍ലൈനായി അപേക്ഷിക്കുന്നതിന് www.ssus.ac.in സന്ദർശിക്കുക.