തിരുവനന്തപുരം: തിരുവനന്തപുരം ശ്രീകാര്യം കരിയത്ത് വീട് കുത്തി തുറന്ന് മോഷണം. 15 പവനും നാല് ലക്ഷം രൂപയും മോഷണം പോയതായി പരാതി.കേരള സർവകലാശാല മുൻ അസിസ്റ്റൻറ് രജിസ്റ്റർ അനില്‍കുമാറിൻ്റെ കരിയം ആഞ്ജനേയം വീട്ടിലാണ് മോഷണം നടന്നത്.
കഴിഞ്ഞ നാല് ദിവസമായി വീട്ടില്‍ ആളില്ലായിരുന്നു. നാല് ദിവസം മുമ്ബ് മലേഷ്യയിലേക്ക് യാത്ര പോയ അനില്‍കുമാർ രാവിലെ വീട്ടിലെത്തി നോക്കുമ്ബോഴായിരുന്നു വീടിന്റെ മുൻവശത്തെ വാതില്‍ പൊളിച്ച നിലയില്‍ കാണപ്പെട്ടത്. പിന്നാലെ നടത്തിയ പരിശോധനയിലാണ് പല സ്ഥലങ്ങളിലായി വച്ചിരുന്ന സ്വർണ്ണവും പണവും നഷ്ടപ്പെട്ട വിവരം അറിയുന്നത്. അനില്‍ കുമാറിന്‍റെ പരാതിയില്‍ ശ്രീകാര്യം പൊലീസ് അന്വേഷണം ആരംഭിച്ചു. ഫോറൻസിക് വിരലടയാള വിദഗ്ധരും, ഡോക്സ് സ്കോഡും സ്ഥലത്തെത്തി പരിശോധന നടത്തി.