വന്ധ്യത പ്രശ്നം ; ശ്രദ്ധിക്കേണ്ടതും അറിഞ്ഞിരിക്കേണ്ടതുമായ കാര്യങ്ങള്
യുവാക്കളില് വന്ധ്യത പ്രശ്നം കൂടി വരുന്നതായാണ് റിപ്പോര്ട്ടുകള് സൂചിപ്പിക്കുന്നത്. 20 നും 30 നും ഇടയില് പ്രായമുള്ള യുവാക്കളെയും യുവതികളെയും വന്ധ്യത പ്രശ്നം ബാധിക്കുന്നതായി ഗവേഷകര് പറയുന്നു. മോശം ഭക്ഷണക്രമം, സമ്മര്ദ്ദം, പാരിസ്ഥിതിക വിഷാംശം തുടങ്ങിയവ വന്ധ്യത പ്രശ്നത്തിനുള്ള പ്രധാനപ്പെട്ട കാരണങ്ങളാണ്.
മണിക്കൂറോളം ഇരുന്ന് ജോലി ചെയ്യുന്നതും, സ്ക്രീന് സമയം, ഔട്ട്ഡോര് ഗെയിമുകളിലും വ്യായാമങ്ങളിലും കുറവുണ്ടാകുന്നത് എന്നിവ ഇന്ത്യയിലെ യുവാക്കള്ക്കിടയില് വന്ധ്യത പ്രശ്നം കൂട്ടിയിട്ടുണ്ട്. ഉദാസീനമായ ജീവിതശൈലി ഇപ്പോള് സ്ത്രീകളിലും പുരുഷന്മാരിലും പ്രത്യുത്പാദന ആരോഗ്യം വഷളാകുന്നതിന് കാരണമാകുന്നു.
വ്യായാമമില്ലായ്മ ഇന്സുലിന് പ്രതിരോധം, ശരീരഭാരം, ഹോര്മോണ് അസന്തുലിതാവസ്ഥ എന്നിവയ്ക്ക് കാരണമാകുന്നു. ഇത് സ്ത്രീകളിലെ അണ്ഡോത്പാദനത്തെയും പുരുഷന്മാരിലെ ടെസ്റ്റോസ്റ്റിറോണ് ഉല്പാദനത്തെയും ബാധിച്ചേക്കാം.
സ്ത്രീകളിലെ പോളിസിസ്റ്റിക് ഓവറി സിന്ഡ്രോം (പിസിഒഎസ്) പോലുള്ള പ്രശ്നങ്ങളും വര്ദ്ധിക്കുന്നു. പുരുഷന്മാരില്, കുറഞ്ഞ ടെസ്റ്റോസ്റ്റിറോണ് ബീജത്തിന്റെ ഗുണനിലവാരത്തെയും ലൈംഗിക പ്രവര്ത്തനത്തെയും മൊത്തത്തില് ബാധിക്കുന്നു.
വന്ധ്യത പ്രശ്നം കൂട്ടുന്നതില് അമിതവണ്ണം പ്രധാന പങ്കാണ് വഹിക്കുന്നത്. ശരീരത്തിലെ അധിക കൊഴുപ്പ് ലൈംഗിക ഹോര്മോണുകളുടെ സന്തുലിതാവസ്ഥയെ തടസ്സപ്പെടുത്തുകയും അണ്ഡത്തിന്റെയും ബീജത്തിന്റെയും ഗുണനിലവാരത്തെ ബാധിക്കുകയും ചെയ്യും.
ഉദാസീനമായ ജീവിതശൈലി രക്തചംക്രമണം മോശമാകുന്നതിനും ഓക്സിഡേറ്റീവ് സമ്മര്ദ്ദം വര്ദ്ധിക്കുന്നതിനും കാരണമാകും. ഇത് അണ്ഡത്തിനും ബീജകോശങ്ങള്ക്കും ദോഷകരമാണ്. പതിവ് വ്യായാമം ആന്റിഓക്സിഡന്റ് പ്രതിരോധം മെച്ചപ്പെടുത്തുകയും നല്ല കോശ ആരോഗ്യം ഉറപ്പാക്കുകയും ചെയ്യുന്നു. ദിവസേനയുള്ള വ്യായാമം കോര്ട്ടിസോളിന്റെ അളവ് കുറയ്ക്കുകയും മൊത്തത്തിലുള്ള മാനസികാവസ്ഥ മെച്ചപ്പെടുത്തുകയും ചെയ്യുന്നതായി പഠനങ്ങള് പറയുന്നു.
വന്ധ്യത പ്രശ്നം പരിഹരിക്കുന്നതിന് ജീവിതശൈലിയില് ശ്രദ്ധിക്കേണ്ട കാര്യങ്ങള്
* നടത്തം, യോഗ, ജിം, അല്ലെങ്കില് സ്പോര്ട്സ് എന്നിവ ശീലമാക്കുക. ചെറുപ്പക്കാര് പ്രതിദിനം കുറഞ്ഞത് 30 മിനിറ്റ് മിതമായ വ്യായാമം ശീലമാക്കുക.
* സമീകൃതാഹാരത്തിലൂടെയും പതിവ് വ്യായാമത്തിലൂടെയും ആരോഗ്യകരമായ ഭാരം നിലനിര്ത്തുക.
* സ്ക്രീന് സമയം പരിമിതപ്പെടുത്തുകയും നന്നായി ഉറങ്ങുകയും ചെയ്യുക.