ഡല്‍ഹിയില്‍ വീണ്ടും ഭൂചലനം; ആളപായമോ നഷ്ടങ്ങളോ ഇല്ല
ദില്ലി : ദില്ലിയില്‍ വീണ്ടും ഭൂചലനം. റിക്ടര്‍ സ്‌കെയിലില്‍ 3.7 തീവ്രത രേഖപ്പെടുത്തിയ ഭൂചലനത്തിന്റെ പ്രഭവ കേന്ദ്രം ദില്ലി നഗരത്തില്‍ നിന്നും 60 കിലോമീറ്റര്‍ അകലെയുള്ള ഹരിയാനയിലെ ജജ്ജറാണ്. ഭൂചലനത്തില്‍ ദില്ലി എന്‍ സി ആര്‍ മേഖലകളില്‍ നേരിയ പ്രകമ്പനം അനുഭവപ്പെട്ടു. ആളപായമോ നഷ്ടങ്ങളോ എവിടെയും റിപ്പോര്‍ട്ട് ചെയ്തിട്ടില്ല.
കഴിഞ്ഞദിവസം രാവിലെ ദില്ലിയില്‍ 4.4 തീവ്രത രേഖപ്പെടുത്തിയ ഭൂചലനം അനുഭവപ്പെട്ടിരുന്നു. ഇതിന്റെയും പ്രഭവ കേന്ദ്രം ഹരിയാനയിലെ ജജ്ജറായിരുന്നു. തുടര്‍ച്ചയായി ഉണ്ടായ ഭൂചലനങ്ങള്‍ ദില്ലി നിവാസികളെ പരിഭ്രാന്തിയിലാക്കി.