തിരുവനന്തപുരം: പൂജപ്പുര സെൻട്രല്‍ ജയിലില്‍ ഗുരുതര സുരക്ഷാ വീഴ്ച. സോളാർ പ്ലാൻ്റിൻ്റെ ഉപയോഗശൂന്യമായ ബാറ്ററികളിലെ വിലപിടിപ്പുള്ള സാധനങ്ങള്‍ മോഷണം പോയി.അഞ്ചര ലക്ഷം രൂപ വില വരുന്ന സാധനങ്ങള്‍ മോഷണം പോയത്. 300 ബാറ്ററികളില്‍ നിന്നാണ് ഇത്തരത്തില്‍ മോഷണം നടന്നത്.
നാലു വർഷത്തിനിടെ എന്ന് പൂജപ്പുര സെൻട്രല്‍ ജയില്‍ സൂപ്രണ്ട് പോലീസില്‍ കൊടുത്ത പരാതിയില്‍ പറയുന്നു. ജയില്‍ വളപ്പിലെ പവർ ലോണ്‍ട്രി യൂണിറ്റ് കെട്ടിടത്തില്‍ ആണ് മോഷണം നടന്നത്. സൂപ്രണ്ടിൻറെ പരാതിയില്‍ പൂജപ്പുര പോലീസ് കേസെടുത്തിട്ടുണ്ട്.
എന്നാല്‍ മൂന്നുമാസം മുമ്ബ് രജിസ്റ്റർ ചെയ്ത കേസിനെ കുറിച്ച്‌ പുറംലോകം അറിഞ്ഞില്ല. അന്വേഷണം തുടരുന്നതായി പൂജപ്പുര പോലീസ് അറിയിച്ചു. എഫ്‌ഐആറിന്റെ പകർപ്പ് റിപ്പോർട്ടറിന് കിട്ടി