ആരോഗ്യമുള്ള ചെറുപ്പക്കാരെ അവര്‍ പതിവായി വെള്ളം കുടിക്കുന്ന ശീലത്തിന്റെ അടിസ്ഥാനത്തില്‍ രണ്ട് ഗ്രൂപ്പുകളായി തിരിച്ചാണ് പഠനം നടത്തിയത്. അവര്‍ വെള്ളം കുടിക്കുന്ന രീതി ഒരാഴ്ച നിലനിര്‍ത്തികൊണ്ട് സംസാരവും മാനസിക ഗണിതവും ഉള്‍പ്പെടുന്ന ഒരു സമ്മര്‍ദ്ദ പരിശോധനയ്ക്ക് അവരെ വിധേയരാക്കി. രണ്ട് ഗ്രൂപ്പുകളിലുള്ള ചെറുപ്പക്കാര്‍ക്കും സമാനമായ ഉത്കണ്ഠയും ഹൃദയമിടിപ്പിലെ വര്‍ദ്ധനയും റിപ്പോര്‍ട്ട് ചെയ്തു. എന്നാല്‍ കുറച്ച് വെള്ളം കുടിക്കുന്ന ഗ്രൂപ്പിലെ ചെറുപ്പക്കാരില്‍ കോര്‍ട്ടിസോള്‍ ഹോര്‍മോണിന്റെ വര്‍ദ്ധനവ് കൂടുതലാണെന്ന് കണ്ടെത്തി.
സമ്മര്‍ദ്ദം കുറയ്ക്കുന്നതിൽ ശരീരത്തിലെ ജലം ഒരു പ്രധാന പങ്കുവഹിക്കുന്നുണ്ടെന്ന് പഠനം പറയുന്നു. നിര്‍ജ്ജലീകരണം ഉണ്ടാകുമ്പോള്‍ തലച്ചോര്‍ വാസോപ്രസീന്‍ എന്ന ഹോര്‍മോണ്‍ പുറത്തുവിടുന്നു. എന്നാല്‍ വാസോപ്രസീന്‍ തലച്ചോറിന്റെ സമ്മര്‍ദ്ദ പ്രതികരണ സംവിധാനവുമായി പ്രവര്‍ത്തിച്ച് വെല്ലുവിളി നിറഞ്ഞ സാഹചര്യങ്ങളില്‍ കോര്‍ട്ടിസോള്‍ ഉത്പാദനം കൂട്ടുന്നു.