- ഇര്‍ഫാന്‍ ഖാലിദ്
ഖത്തറിലെ ഒരു പുതിയ കാര്‍ബണ്‍ ക്യാപ്ചര്‍ ആന്‍ഡ് സ്റ്റോറേജ് (സിസിഎസ്) പദ്ധതിക്കായി എഞ്ചിനീയറിംഗ്, സംഭരണം, നിര്‍മ്മാണം (ഇപിസി) എന്നിവയ്ക്കുള്ള കരാര്‍ സാംസങ് സി & ടിക്ക് ലഭിച്ചു.
പദ്ധതി പ്രവര്‍ത്തനക്ഷമമാകുമ്പോള്‍ ലോകത്തിലെ ഏറ്റവും വലിയ കാര്‍ബണ്‍ ക്യാപ്ചര്‍ ആന്‍ഡ് സ്റ്റോറേജ് ഫെസിലിറ്റിയായി മാറും.
ഫെസിലിറ്റി, റാസ് ലഫാന്‍ ഇന്‍ഡസ്ട്രിയല്‍ സിറ്റിയിലെ നിലവിലുള്ള ദ്രവീകൃത പ്രകൃതി വാതക (എല്‍എന്‍ജി) പ്രവര്‍ത്തനങ്ങള്‍ക്ക് സേവനം നല്‍കുമെന്ന് ഖത്തര്‍ എനര്‍ജി പറഞ്ഞു.
പ്രതിവര്‍ഷം 4.1 ദശലക്ഷം മെട്രിക് ടണ്‍ വരെ CO2 പിടിച്ചെടുക്കാനും സ്ഥിരമായി സംഭരിക്കാനുമാണ് പദ്ധതി രൂപകല്‍പ്പന ചെയ്തിരിക്കുന്നത്. ഇത് രാജ്യത്തിന്റെ സിസിഎസ് പോര്‍ട്ട്ഫോളിയോയെ ഗണ്യമായി വികസിപ്പിക്കുന്നു. എല്‍എന്‍ജി മൂല്യ ശൃംഖലയിലുടനീളം വലിയ തോതിലുള്ള കാര്‍ബണ്‍ മാനേജ്മെന്റ് സംയോജിപ്പിക്കാനുള്ള ലക്ഷ്യത്തെ ഈ പദ്ധതി ശക്തിപ്പെടുത്തുന്നുവെന്ന് ഖത്തര്‍ എനര്‍ജി പറഞ്ഞു.