രാഹുല് ഈശ്വര് തിരുവനന്തപുരം ജില്ലാ കോടതിയില് അപ്പീല് നല്കും
രാഹുല് മാങ്കൂട്ടത്തിലിനെതിരെ പീഡനപരാതി നല്കിയ യുവതിയെ നവമാധ്യമങ്ങള് വഴി അധിക്ഷേപിച്ച കേസില് രാഹുല് ഈശ്വര് ഇന്ന് തിരുവനന്തപുരം ജില്ലാ കോടതിയില് അപ്പീല് നല്കും. തിരുവനന്തപുരം എസിജെഎം കോടതി ഇന്നലെ രാഹുലിന്റെ ജാമ്യേപേക്ഷ തള്ളിയിരുന്നു. 14 ദിവസത്തേക്കാണ് രാഹുല് ഈശ്വറിനെ റിമാന്ഡ് ചെയ്തത്. സൈബര് അധിക്ഷേപ കേസില് പ്രതിച്ചേര്ക്കപ്പെട്ട കെപിസിസി ജനറല് സെക്രട്ടറി സന്ദീപ് വാര്യരുടെ മുന്കൂര് ജാമ്യാപേക്ഷ സെഷന്സ് കോടതി ഇന്ന് പരിഗണിക്കും. പരാതിക്കാരിയെ തിരിച്ചറിയുന്ന തരത്തില് ഒരു നടപടിയും തന്റെ ഭാഗത്ത് നിന്നുണ്ടായിട്ടില്ലെന്നാണ് സന്ദീപിന്റെ വാദം.
