കോവിഡ് പ്രതിരോധ സഹായവുമായി കുന്നുമ്മല്‍ കൂട്ടായ്മ
മലപ്പുറം : മലപ്പുറം മുനിസിപ്പാലിറ്റിയും ജില്ലാ സഹകരണ ഹോസ്പിറ്റലും ചേര്‍ന്ന് ടൗണ്‍ഹാളില്‍ വച്ച് നടത്തുന്ന സൗജന്യ കോവിഡ് സെന്ററിലേക്ക്, പി പി കിറ്റ്, ഓക്‌സിമീറ്റര്‍, ഫേസ് ഷീല്‍ഡ് തുടങ്ങിയ പ്രതിരോധ സാമഗ്രികള്‍, ഹോസ്പിറ്റല്‍ പ്രസിഡന്റ് കെ പി എ മജീദ് എംഎല്‍എ ക്ക് കുന്നുമ്മല്‍ കൂട്ടായ്മ ചെയര്‍മാന്‍ ലൗലി ലത്തീഫ് കൈമാറി.
യുഎ ലത്തീഫ് എംഎല്‍എ, ജില്ലാ പഞ്ചായത്ത് വൈസ് പ്രസിഡന്റ് ഇസ്മായില്‍ മുത്തേടം, ആശുപത്രി സൂപ്രണ്ട് ഡോക്ടര്‍ പരീദ്, കൂട്ടായ്മ ജനറല്‍ കണ്‍വീനര്‍ ഉസ്മാന്‍ കിളിയമണ്ണില്‍, പ്രസിഡന്റ് ഹൈദറലി മേചോത്ത്, ഷംസു താമരക്കുഴി, ഇക്ബാല്‍ തറയില്‍ സാലിഹ് തൊമ്മങ്ങാടന്‍, എന്നിവര്‍ പങ്കെടുത്തു