സ്വകാര്യ ബസ് ഉടമ വിഷം കഴിച്ച് ആത്മഹത്യ ചെയ്ത നിലയിൽ
അമ്പലവയൽ: വയനാട്ടിൽ സ്വകാര്യ ബസ് ഉടമ വിഷം കഴിച്ച് ആത്മഹത്യ ചെയ്ത നിലയിൽ. അമ്പലവയല്‍ കടല്‍മാട് പെരുമ്പാടിക്കുന്ന് പി.സി രാജമണിയാണ് മരിച്ചത്. 48 വയസായിരുന്നു. വീടിന് സമീപത്തെ തോട്ടത്തിലാണ് മരിച്ച നിലയിൽ കണ്ടെത്തിയത്.
കടല്‍മാട്-സുല്‍ത്താന്‍ ബത്തേരി റൂട്ടിലോടുന്ന ബ്രഹ്മപുത്ര ബസിന്റെ ഉടമയാണ്. കോവിഡ് മൂലം ബസ് സർവീസ് നിർത്തിവെക്കേണ്ടി വന്നതോടെ ഇദ്ദേഹം കടുത്ത സാമ്പത്തിക പ്രതിസന്ധിയിലായിരുന്നുവെന്ന് ബന്ധുക്കള്‍ പറഞ്ഞു.
കടൽമാട് നിന്നും സുൽത്താൻ ബത്തേരിയിലേക്ക് പോകുന്ന ബ്രഹ്മപുത്ര ബസിന്റെ ഉടമയാണ് രാജമണി.
ഭാര്യ: സുഭന്ദ്ര മക്കൾ: സുധന്യ, ശ്രീനാഥ്
മരുമകൻ : നിതിൻ