ഓൺലൈൻ ക്ലാസിന്‍റെ മറവില്‍ 12കാരന് അശ്ലീല ചിത്രങ്ങൾ അയച്ചു; വ്യാജ അധ്യാപകൻ അറസ്റ്റിൽ
മലപ്പുറം: ഓണ്‍ലൈന്‍ ക്ലാസിന്‍റെ മറവില്‍ 12വയസ്സുകാരന് അശ്ലീല ചിത്രങ്ങള്‍ അയച്ച വ്യാജ അധ്യാപകന്‍ പിടിയില്‍. മലപ്പുറം ചങ്ങരംകുളം പോലീസാണ് വ്യാജ അധ്യാപകനായ വളാഞ്ചേരി എടയൂര്‍ സ്വദേശി പനച്ചിക്കല്‍ ഹൗസ് മുഹമ്മദ് സാലിഹ് ( 24 ) നെയാണ് അറസ്റ്റ് ചെയ്തത്.ചങ്ങരംകുളം സ്വദേശിയായ 12 കാരനെയാണ് മുഹമ്മദ് സ്വാലിഹ് അധ്യാപകനാണെന്ന് തെറ്റിധരിപ്പിച്ച് വാട്സാപ്പിൽ സൗഹൃദം സ്ഥാപിക്കുകയും പിന്നീട് അശ്ലീല ചുവയുള്ള മെസേജുകളും ഫോട്ടോയും അയക്കുകയും ചെയ്തതെന്നാണ് പരാതി.
കുട്ടിയുടെ മാതാപിതാക്കള്‍ വിവരം അറിയിച്ചതനുസരിച്ച് ചൈല്‍ഡ് ലൈന്‍ നല്‍കിയ പരാതിയിലാണ് ചങ്ങരംകുളം സി.ഐ ബഷീര്‍ ചിറക്കലിന്റെ നേതൃത്വത്തില്‍ നടത്തിയ അന്വേഷണം നടത്തി പ്രതിയെ പിടികൂടിയത്. ഓപ്പറേഷന്‍ പിഹണ്ട് പരിശോധനയില്‍ ഏതാനം മാസം മുമ്പ് ഇയാള്‍ പിടിയിലായിട്ടുണ്ട്.