മമ്പാട് ടെക്‌സ്‌റ്റൈല്‍സിൽ ദുരൂഹ സാഹചര്യത്തിൽ യുവാവിന്റെ മൃതദേഹം; കൊലപാതകമെന്ന് സംശയം
മലപ്പുറം: മമ്പാട് ടൗണില്‍ യുവാവിനെ ദുരൂഹ സാഹചര്യത്തില്‍ മരിച്ച നിലയിൽ കണ്ടെത്തി. കോട്ടക്കൽ സ്വദേശി മജീദിന്റെ മൃതദേഹമാണ് മമ്പാടുള്ള ടെക്‌സ്‌റ്റൈല്‍സിന്റ ഗോഡൗണിനുളിൽ കണ്ടെത്തിയത്. ശനിയാഴ്ച ഉച്ചക്ക് പന്ത്രണ്ട് മണിയോടെയാണ് മൃതദേഹം കണ്ടെത്തിയത്. തുടര്‍ന്ന് ഉടൻ തന്നെ സംഭവസ്ഥലത്ത് നിലമ്പൂർ പോലീസ് എത്തുകയും പരിശോധന നടത്തുകയും ചെയ്തു. തുടർന്നാണ് ഇയാളുടെ ബന്ധുക്കള്‍ എത്തിയാണ് മൃതുദ്ദേഹം തിരിച്ചറിഞ്ഞത്.
ഗോഡൗണില്‍ ഒരാൾ തുങ്ങി മരിച്ചതായി ജീവനക്കാരില്‍ ഒരാള്‍ പൊലീസിനെ ഫോണ്‍ ചെയ്ത് അറിയിച്ചു. ഇതേ തുടര്‍ന്ന് നിലമ്പൂര്‍ പോലീസ് ഇന്‍സ്‌പെക്ടര്‍ പി വിഷ്ണുവിന്റ നേതൃത്വത്തില്‍ പൊലീസ് സംഭവം സ്ഥലത്തെത്തി ഷട്ടര്‍ തുറന്നെങ്കിലും മൃതദേഹം കണ്ടത്താനായില്ല. തുടര്‍ന്നു നടത്തിയ പരിശോധനയിലാണ് അകത്തെ മുറിയില്‍ നിലത്ത് തുണികള്‍ കൊണ്ടു മൂടിയ നിലയില്‍ മൃതദേഹം കണ്ടെത്തിയത്. മൃതദേഹം നിലമ്പൂർ പോലീസിന്റെ നേതൃത്വത്തിൽ ഇൻക്വസ്റ്റ് നടപടികൾ പൂർത്തിയാക്കി പോസ്റ്റ്മോർട്ടത്തിനായി മഞ്ചേരി മെഡിക്കൽ കോളജ് ആശുപത്രിയിലേക്ക് മാറ്റി.
സംഭവ സ്ഥലം ജില്ലാ പോലീസ് മേധാവി എസ് സുജിത്ത്ദാസ്, ഡി വൈ എസ് പി മാരായ സാജു കെ എബ്രാഹം, കെ എം ബിജു എന്നിവര്‍ സ്ഥലത്തെത്തി തുടര്‍ നടപടി സ്വീകരിച്ചു. ഫോറന്‍സിക് വിഭാഗത്തിലെ ഡോ മിനി,വിരലടയാള വിദഗ്ധര്‍ എന്നിവരും സ്ഥലത്തെത്തി പരിശോധന നടത്തി. അതേസമയം യുവാവിന്റെ മരണം കൊലപാതകമാണെന്നാണ് സൂചന. മൃതദേഹം പോസ്റ്റുമോർട്ടത്തിനുശേഷം ബന്ധുക്കൾക്ക് വിട്ടു നൽകും. സംഭവത്തിൽ നിലബുർ പോലീസിന്റെ നേതൃത്വത്തിൽ അന്വേഷണം പുരോഗമിക്കുകയാണ്.
