ദളിത് സമുദായ മുന്നണി അയ്യങ്കാളി ദിനം ആചരിച്ചു
മലപ്പുറം; മഹാത്മാ അയ്യങ്കാളിയുടെ 81-ാമത് സ്മൃതി ദിനം ദളിത് സമുദായ മുന്നണി ജില്ലാ കമ്മറ്റി വിപുലമായി ആചരിച്ചു.
പരിപാടിക്ക് തുടക്കം കുറിച്ച് അയ്യങ്കാളി തിരുവനവന്തപുരം രാജവീഥിയിലൂടെ നയിച്ച വില്ലുവണ്ടി യാത്രയെ അനുസ്മരിച്ച് നടത്തിയ വില്ലുവണ്ടി യാത്ര പുതുമ നിറഞ്ഞതായി .തുടര്‍ന്ന് കെ എസ് ആര്‍ ടി സി പരിസരത്ത് പുഷ്പാര്‍ച്ചനയും അനുസ്മരണസമ്മേളനവും നടന്നു.
വില്ലുവണ്ടി യാത്രക്ക് മുന്നണി ജില്ലാ വൈസ് പ്രസിഡന്റ് രാമചന്ദ്രന്‍ പനങ്ങാങ്ങര, എം കെ ചന്ദ്രബാബു,സി പി മുരളി,വിജയന്‍ കൊടുമുടി എന്നിവര്‍ നേതൃത്ത്വം നല്‍കി. അനുസ്മരണ സമ്മേളനം മുന്നണി ജില്ലാ പ്രസിഡന്റ് ടി പി അയ്യപ്പന്‍ ഉദ്ഘടനം ചെയ്തു.
ജില്ലാ വൈസ് പ്രസിഡന്റ് മണികണ്ഠന്‍ മാറഞ്ചേരി അധ്യക്ഷത വഹിച്ചു.ജില്ലാ സെക്രട്ടറിയേറ്റ് അംഗം പി കെ കുഞ്ഞച്ചന്‍ മാസ്റ്റര്‍ മുഖ്യ പ്രഭാഷണം നടത്തി.സംസ്ഥാന ഓര്‍ഗൈസിംഗ് സെക്രട്ടറി വി കെ സുകു, ജില്ലാ വൈസ് പ്രസിഡന്റ് ശാന്തകുമാരി നിലമ്പൂര്‍,ജോയിന്റ് സെക്രട്ടറി വേലായുധന്‍ പുളിക്കല്‍ തുടങ്ങിയവര്‍ സംസാരിച്ചു. ജില്ലാ സെക്രട്ടറി സെക്രട്ടറി ചന്ദ്രന്‍ പരിയാപുരം സ്വാഗതവും അനീഷ് നിലമ്പൂര്‍ നന്ദിയും പറഞ്ഞു.