എല്‍.ഐ.സി സീനിയര്‍ ഏജന്റ് പി.സി. അബ്ദുറഹിമാനെ ആദരിച്ചു
തിരൂര്‍ : തെക്കെ ഇന്ത്യയിലെ ഏറ്റവും പ്രമുഖനനായ സീനിയര്‍ എല്‍.ഐ.സി ഏജന്റ് പി.സി. അബ്ദുറഹിമാനെ തുഞ്ചന്‍ പറമ്പില്‍ നടന്ന എല്‍.ഐ.സി സംഗമത്തില്‍ ആദരിച്ചു. സൗത്ത് സോണല്‍ മാനേജര്‍ ജി. വെങ്കിട്ട രമണനാണ് ഷാളണിയിച്ച് ആദരിച്ചത്. അമ്പത്തിയേഴ് വര്‍ഷത്തെ സര്‍വ്വീസും കാല്‍ നൂറ്റാണ്ട് കാലത്തെ കോടിപതി പദവിയുമുള്ള തിരൂരിലെ എല്‍.ഐ.സി ഓഫീസ് സ്ഥാപകരില്‍ പ്രമുഖന്‍ കൂടിയായ അബ്ദുറഹിമാന് സോണല്‍ മാനേജര്‍ ശിലാഫലകവും സമ്മാനിച്ചു. എല്‍.ഐ.സി തിരൂര്‍ ഓഫീസ് നവീകരണത്തോടനുബന്ധിച്ചായിരുന്നു സംഗമം സംഘടിപ്പിച്ചത്. ചീഫ് എഞ്ചിനീയര്‍ രാജാ ബാബു അധ്യക്ഷത വഹിച്ചു. സീനിയര്‍ ഡിവിഷന്‍ മാനേജര്‍ പി.വി. ശശീന്ദ്രന്‍, സീനിയര്‍ ബ്രാഞ്ച് മാനേജര്‍ പ്രമോദ് കുമാര്‍, അസി. ബ്രാഞ്ച് മാനേജര്‍ കൃഷ്ണപ്രിയ എന്നിവര്‍ സംസാരിച്ചു.