കോഴിക്കോട്: ചാത്തമംഗലം ഈസ്റ്റ് മലയമ്മയില് മുത്തശ്ശിയും പേരമകളും കിണറ്റില് മരിച്ച നിലയില്. ഈസ്റ്റ് മലയമ്മ വട്ടക്കണ്ടിയില് സുഹാസിനി (56), ശ്രീ നന്ദ (12) എന്നിവരെയാണ് കിണറ്റില് മരിച്ച നിലയില് കണ്ടെത്തിയത്.ഫയർഫോഴ്സും പൊലീസും സ്ഥലത്തെത്തി മൃതദേഹം പുറത്തെടുത്തു. ആത്മഹത്യയെന്ന് സംശയിക്കുന്നതായി പൊലീസ് അറിയിച്ചു. ഇരുവരേയും വൈകിട്ട് 4 മണി മുതല് കാണാതായിരുന്നു. തുടർന്ന് നടത്തിയ തെരച്ചിലിലാണ് വീടിന് സമീപത്തെ കിണറില് മൃതദേഹം കണ്ടെത്തിയത്. പൊലീസ് ഇൻക്വസ്റ്റ് നടപടികള് ആരംഭിച്ചു.