തിരുവനന്തപുരം: സംസ്ഥാന ന്യൂനപക്ഷ വകുപ്പ് കേരള സംസ്ഥാന ന്യൂനപക്ഷ വികസന ധനകാര്യ കോർപറേഷൻ മുഖേന ന്യൂനപക്ഷ വിഭാഗങ്ങളില്‍പ്പെട്ട വിധവകള്‍, വിവാഹ മോചിത, ഉപേക്ഷിക്കപ്പെട്ട വിഭാഗത്തിലെ സ്ത്രീകള്‍ തുടങ്ങിയവർക്ക് സർക്കാർ ധനസഹായത്താല്‍ 20 ശതമാനം സബ്സിഡിയോടുകൂടി (പരമാവധി ഒരു ലക്ഷം രൂപ വരെ) സ്വയം തൊഴില്‍ വായ്പയ്ക്കുള്ള അപേക്ഷകള്‍ ക്ഷണിച്ചു.
20 വയസിനും 60 വയസിനും ഇടയിലുള്ളവർക്ക് അപേക്ഷിക്കാം. പരമാവധി അഞ്ച് ലക്ഷം രൂപവരെ വായ്പ അനുവദിക്കും. കുടുംബ വാർഷിക വരുമാനപരിധി 2.5 ലക്ഷം വരെയുള്ളവർക്ക് അപേക്ഷിക്കാം. 18 വയസിന് താഴെയുള്ള പ്രായം വരുന്ന കുട്ടികളുടെ അമ്മമാർക്കും, അതി ദാരിദ്ര്യ തിരിച്ചറിയല്‍ സർവേ പ്രകാരം കണ്ടെത്തിയ കുടുംബങ്ങളിലെ വിധവകള്‍ക്കും പദ്ധതിയില്‍ മുൻഗണന ലഭിക്കും. സബ്‌സിഡി തുക ഒഴികെയുള്ള ലോണ്‍ തുകയുടെ പലിശ നിരക്ക് 6 ശതമാനമാണ്. അപേക്ഷകള്‍ www.ksmdfc.orgല്‍നിന്നും ഡൗണ്‍ലോഡ് ചെയ്ത് പൂരിപ്പിച്ച്‌ നേരിട്ടോ തപാലിലോ കോർപറേഷന്‍റെ അതാത് ജില്ലകളിലെ റിജണല്‍ ഓഫീസുകളില്‍ മാർച്ച്‌ ആറിന് മുന്പായി എത്തിക്കണം.
കാസർഗോഡ്, കണ്ണൂർ – കേരള സ്റ്റേറ്റ് മൈനോറിറ്റീസ് ഡെവലപ്‌മെന്‍റ് ഫിനാൻസ് കോർപറേഷൻ ലിമിറ്റഡ്, റീജണല്‍ ഓഫീസ്, ബസ് സ്റ്റാൻഡ് ബില്‍ഡിംഗ്, ചെർക്കള, ചെങ്കള (പിഒ), കാസർകോട് – 671541, ഫോണ്‍: 04994-283061.
കോഴിക്കോട്, വയനാട് – കേരള സ്റ്റേറ്റ് മൈനോറിറ്റീസ് ഡെവലപ്‌മെന്‍റ് ഫിനാൻസ് കോർപറേഷൻ ലിമിറ്റഡ്, ഹെഡ് ഓഫീസ്, KURDFC ബില്‍ഡിംഗ്, വെസ്റ്റ്ഹില്‍ (പിഒ), ചക്കോരത്ത്കുളം, കോഴിക്കോട് -673005. ഫോണ്‍: 0495-2369366.
മലപ്പുറം, പാലക്കാട് – കേരള സ്റ്റേറ്റ് മൈനോറിറ്റീസ് ഡെവലപ്‌മെന്‍റ് ഫിനാൻസ് കോർപറേഷൻ ലിമിറ്റഡ്, റീജണല്‍ ഓഫീസ്, സുന്നി മഹല്‍ ബില്‍ഡിംഗ്, ബൈപാസ് റോഡ്, പെരിന്തല്‍മണ്ണ, മലപ്പുറം – 679322. ഫോണ്‍: 04933-297017.
എറണാകുളം, ഇടുക്കി, തൃശൂർ, കോട്ടയം – കേരള സ്റ്റേറ്റ് മൈനോറിറ്റീസ് ഡെവലപ്‌മെന്‍റ് ഫിനാൻസ് കോർപറേഷൻ ലമിറ്റഡ്, റീജണല്‍ ഓഫീസ്, ഒന്നാം നില, പിഡബ്ല്യുഡി റെസ്റ്റ് ഹൗസ് ബില്‍ഡിംഗ് കോംപ്ലക്‌സ്, പത്തടിപ്പാലം, കളമശേരി, എറണാകുളം-682033. ഫോണ്‍:0484-2532855.
തിരുവനന്തപുരം, ആലപ്പുഴ, കൊല്ലം, പത്തനംതിട്ട – കേരള സ്റ്റേറ്റ് മൈനോറിറ്റീസ് ഡെവലപ്‌മെന്‍റ് ഫിനാൻസ് കോർപറേഷൻ ലിമിറ്റഡ്, റീജണല്‍ ഓഫീസ്, കെഎസ്‌ആർടിസി ടെർമിനല്‍ കോംപ്ലക്‌സ്, 9 -ാം നില, തമ്ബാനൂർ, തിരുവനന്തപുരം – 695001.