ര​ണ്ടാം​ഘ​ട്ട​ വോട്ടെടുപ്പ് ആരംഭിച്ചു

തി​രു​വ​ന​ന്ത​പു​രം: ത​ദ്ദേ​ശ തെ​ര​ഞ്ഞെ​ടു​പ്പി​ന്റെ ര​ണ്ടാം​ഘ​ട്ട​ വോട്ടെടുപ്പ് ആരംഭിച്ചു. ഇ​ന്ന്​ കോ​ട്ട​യം, എ​റ​ണാ​കു​ളം, തൃ​ശൂ​ർ, പാ​ല​ക്കാ​ട്, വ​യ​നാ​ട് ജി​ല്ല​ക​ളി​ലെ 98,57,208 വോ​ട്ട​ർ​മാരാണ് വി​ധി​യെ​ഴു​തുന്നത്. രാവിലെമുതൽ പോളിങ് ബൂത്തിനുമുമ്പിൽ നീണ്ട ക്യൂവാണുള്ളത്.

451 ത​ദ്ദേ​ശ​സ്ഥാ​പ​ന​ങ്ങ​ളി​ലെ 8116 വാ​ർ​ഡു​ക​ളി​ലേ​ക്കാ​ണ് വോ​ട്ടെടു​പ്പ്. 47,28,489 പു​രു​ഷ​ന്മാ​രും 51,28,361 സ്​​ത്രീ​ക​ളും 93 ട്രാ​ൻ​സ്​​ജെ​ൻ​ഡേ​ഴ്സും 265 പ്ര​വാ​സി ഭാ​ര​തീ​യ​രും വോ​ട്ട്​ രേ​ഖ​പ്പെടു​ത്തും. ഇ​തി​ൽ 57,895 പേ​ർ ക​ന്നി വോ​ട്ട​ർ​മാ​രാ​ണ്. 12,643 ബൂ​ത്താ​ണ് വോ​ട്ടെടു​പ്പി​ന്​ സ​ജ്ജീ​ക​രി​ച്ചി​രി​ക്കു​ന്ന​ത്. 473 പ്ര​ശ്ന​ബാ​ധി​ത ബൂ​ത്തു​ക​ളി​ൽ വെ​ബ്കാ​സ്​​റ്റി​ങ്​ ഏ​ർ​പ്പെ​ടു​ത്തി.

63,187 ഉ​ദ്യോ​ഗ​സ്ഥ​ർ തെ​ര​ഞ്ഞെ​ടു​പ്പ് ഡ്യൂ​ട്ടി​യി​ലു​ണ്ടാ​കും. സ്ഥാ​നാ​ർ​ഥി​ക​ളു​ടെ മ​ര​ണ​ത്തെ​തു​ട​ർ​ന്ന് എ​റ​ണാ​കു​ളം ക​ള​മ​ശ്ശേ​രി മു​നി​സി​പ്പാ​ലി​റ്റി​യി​ലെ മു​നി​സി​പ്പ​ൽ വാ​ർ​ഡ് (37), തൃ​ശൂ​ർ കോ​ർ​പ​റേ​ഷ​നി​ലെ പു​ല്ല​ഴി (47) വാ​ർ​ഡ്​ എ​ന്നി​വി​ട​ങ്ങ​ളി​ലെ തെ​ര​ഞ്ഞെ​ടു​പ്പ് മാ​റ്റി​വെ​ച്ചു. വോ​ട്ടെ​ടു​പ്പ് അ​വ​സാ​നി​ക്കു​ന്ന​തു​വ​രെ കോ​വി​ഡ് പോ​സി​റ്റി​വ് ആ​കു​ന്ന​വ​ർ​ക്കും ക്വാ​റ​ൻ​റീ​നി​ൽ പ്ര​വേ​ശി​ക്കു​ന്ന​വ​ർ​ക്കും ഡെ​സി​ഗ്​​നേ​റ്റ​ഡ് ഹെ​ൽ​ത്ത് ഓ​ഫി​സ​ർ ന​ൽ​കു​ന്ന സാ​ക്ഷ്യ​പ​ത്രം ഹാ​ജ​രാ​ക്കി നേ​രി​ട്ടെ​ത്തി വോ​ട്ടു​ചെ​യ്യാം.