കെഎസ്ടിഎ ഉപജില്ലാ സമ്മേളനത്തിന്റെ ഭാഗമായി സാംസ്കാരിക സമ്മേളനവും സ്നേഹസംഗമവും നടത്തി.
തിരൂർ: ജി എം യു പി സ്കൂളിൽ നടന്ന പരിപാടി പുരോഗമന കലാസാഹിത്യ സംഘം സംസ്ഥാന കമ്മിറ്റി അംഗം അഡ്വ രാജേഷ് പുതുക്കാട് ഉദ്ഘാടനം ചെയ്തു. സെൻ സി അധ്യക്ഷനായി. 2019 -20 വർഷത്തിൽ സർവ്വീസിൽ നിന്നും വിരമിച്ച അധ്യാപകർക്ക് യാത്രയയപ്പ് നൽകി. തദ്ദേശസ്വയംഭരണ സ്ഥാപനങ്ങളിലേക്ക് നടന്നതെരെഞ്ഞെടുപ്പിൽ ജനപ്രതിനിധികളായി വിജയിച്ച കെ എസ് ടി എ പ്രവർത്തകരായ തിരൂർ നഗരസഭാ കൗൺസിലർ അനിത കല്ലേരി, തൃപ്രങ്ങോട് ഗ്രാമപഞ്ചായത്തംഗം വി വി അനൂപ് എന്നിവരെ ആദരിച്ചു. കെ എസ് ടി എ സംസ്ഥാന കമ്മിറ്റി അംഗം പി ഗോപാലകൃഷ്ണൻ, ജില്ലാ എക്സിക്യൂട്ടീവ് അംഗങ്ങളായ ആർ പി ബാബുരാജ്, ഇ ബി അജിത, ജില്ലാ കമ്മിറ്റി അംഗം എസ് നവീൻ എന്നിവർ സംസാരിച്ചു.
ടി വി ദിനേഷ് സ്വാഗതവും കെ സുനിൽകുമാർ നന്ദിയും പറഞ്ഞു. ഞായർ പകൽ 10 ന് ജി എം യു പി സ്കൂളിലെ പ്രിയ ടീച്ചർ നഗറിൽ നടക്കുന്ന പ്രതിനിധി സമ്മേളനം കെ എസ് ടി എ ജില്ലാ പ്രസിഡൻറ്
ആർ എസ് അമീന കുമാരി ഉദ്ഘാടനം ചെയ്യും.
