നിയന്ത്രണം വിട്ട ജീപ്പ് ബൈക്കിലും പോസ്റ്റിലും ഇടിച്ച് മറിഞ്ഞു.

തിരൂർ: കുറ്റിപ്പുറം ഭാഗത്ത് നിന്ന് തൊഴിലാളികളുമായി കോഴിക്കോട് ഭാഗത്തേക്ക് പോകുന്ന ജീപ്പ് അമിതവേഗത്തിൽ നിയന്ത്രണംവിട്ട് ബൈക്കിലും പോസ്റ്റിലും ഇടിച്ചാണ് മറിഞ്ഞത്. അപകടത്തിൽ ജീപ്പ് യാത്രക്കാർക്കും ബൈക്ക് യാത്രക്കാർക്കും പരിക്കേറ്റു. ഗുരുതരമായി പരിക്കേറ്റവരെ കോട്ടക്കലിലും

കോഴിക്കോട് മെഡിക്കൽ കോളജ് ആശുപത്രിയിലും പ്രവേശിപ്പിച്ചു. പുലർച്ചേ 1 മണിയോടെയാണ് അപകടം നടന്നത്. ശബ്ദം കേട്ട് ഓടിയെത്തിയ നാട്ടുകാരും പോലീസും സന്നദ്ധ പ്രവർത്തകരും ചേർന്നാണ് രക്ഷാപ്രവർത്തനം നടത്തിയത് ജീപ്പ് ഡ്രൈവർ കോഴിക്കോട് മാങ്കാവ് സ്വദേശി അനൂപിന്റെ കൈ അപകടത്തിൽ ജീപ്പിനുള്ളിൽ കുടുങ്ങിയിരുന്നു, തിരൂർ ഫയർ ഫോഴ്സ് എത്തിയാണ് രക്ഷപെടുത്തിയത്. നിസാര പരിക്കേറ്റവരെ തിരൂർ ജില്ലാ ആശുപത്രിയിൽ പ്രവേശിപ്പിച്ചു.