മാരത്തോൺ മത്സരം സംഘടിപ്പിച്ചു.
മഞ്ചേരി: അടുത്ത മാസം കണ്ണൂരിൽ വെച്ച് നടത്തപ്പെടുന്ന ഇന്ത്യൻ ആർമി സെലക്ഷന് പങ്കെടുക്കുന്നവർക്കായി ഫിറ്റ്‌പ്രൊ ഫിറ്റ്നസ് മഞ്ചേരി ഒരുക്കിയ
മാരത്തോൺ മത്സരം ഞായറാഴ്ച്ച മഞ്ചേരിയിൽ സംഘടിപ്പിച്ചു. ജെ സി ഐ സെക്രട്ടറി അഹമ്മദ് മൻസൂർ മാരത്തോൺ ഉദ്ഘാടനം ചെയ്തു.
ശരത്ത് ഫ്ലാഗ് ഓൺ ചെയ്തു ട്രൈനർമാരായ ഷമീർ, നിസാർ പുല്ലൂർ , സലീം ചോലക്കൽ എന്നിവർ ചടങ്ങിൽ സംബന്ധിച്ചു.അഭിഷേക്, ഒന്നാം സ്ഥാനവും ഷബീക്ക് രണ്ടാം സ്ഥാനവും സ്മിജിൽ, മൂന്നാം സ്ഥാനവും കരസ്ഥമാക്കി.
മാരത്തോണിന് പുറമെ ഗാനസന്ധ്യ, ഫുട്ബാൾമത്സരങ്ങൾ, ഷോർട്ട് ഫിലിമുകൾ, ബൈക്ക് റൈഡ്, ശരീരസൗന്ദര്യ മത്സരം ഇങ്ങനെയുള്ള പ്രോഗ്രാമുകളും മത്സരങ്ങളും നേരത്തെ തന്നെ ഈ ഫിറ്റ്നസ് സെന്റർ നടത്തി വരുന്നുണ്ട്. മസിൽ പൊക്കാൻ
മാത്രമുള്ളതല്ല ഫിറ്റനസ് സെന്ററുകൾ എല്ലാ മേഖലയിൽ ഉള്ളവരും ഒത്തൊരുമിക്കുന്ന ഇടമായത് കൊണ്ട് തന്നെ അതാത് മേഖലയിൽ കഴിവ് തെളിയിക്കുന്നവർക്ക് പ്രോത്സാഹനം ഇനിയും നൽകുമെന്ന് ട്രെയിനർ ഷമീർ വല്ലാഞ്ചിറ അറിയിച്ചു.