സി കെ അബ്ദുൽ സലാം പ്രവാസി കോണ്‍ഗ്രസ് മീഡിയാ സെക്രട്ടറി
മലപ്പുറം : കേരള പ്രദേശ് പ്രവാസി കോണ്‍ഗ്രസിന്റെ മീഡിയ ചുമതലയുള്ള സെക്രട്ടറിയായി സി.കെ.അബ്ദുല്‍ സലാമിനെ സംസ്ഥാന പ്രസിഡണ്ട് ഐസക് തോമസ് നോമിനേറ്റ് ചെയ്തു. നിലവില്‍ സംസ്ഥാന നിര്‍വാഹക സമിതിയംഗവും മലപ്പുറം ജില്ലയുടെ ജനറല്‍ സെക്രട്ടറിയായി പ്രവര്‍ത്തിക്കുന്ന അദ്ദേഹം പ്രവാസി കോണ്‍ഗ്രസിന്റെ അരീക്കോട് മണ്ഡലം പ്രസിഡണ്ടായി
സംഘടനാ പ്രവര്‍ത്തനമാരംഭിച്ച് ഏറനാട് നിയോജക മണ്ഡലം പ്രസിഡണ്ട് പദവിയും വഹിച്ചിട്ടുണ്ട്. മാതൃസംഘടനയിലും സജീവമായ അദ്ദേഹം അരീക്കോട് ബ്‌ളോക്ക് കോണ്‍ഗ്രസ് കമ്മററിയുടെ ജനറല്‍ സെക്രട്ടറി കൂടിയാണ്.മലപ്പുറം ജില്ലയിലെ അരീക്കോട് സ്വദേശിയാണ്.