കോവിഡ് 19: മലപ്പുറം ജില്ലയില്‍ 1,006 പേര്‍ക്ക് വൈറസ് ബാധ 2,226 പേര്‍ക്ക് രോഗമുക്തി
ടെസ്റ്റ് പോസിറ്റീവിറ്റി നിരക്ക് 13.96 ശതമാനം നേരിട്ടുള്ള സമ്പര്‍ക്കത്തിലൂടെ 952 പേര്‍ ആരോഗ്യ പ്രവര്‍ത്തകര്‍ 03 ഉറവിടമറിയാതെ 20 പേര്‍ക്ക് രോഗബാധിതരായി ചികിത്സയില്‍ 14,872 പേര്‍ ആകെ നിരീക്ഷണത്തിലുള്ളത് 45,534 പേര്‍
മലപ്പുറം ജില്ലയില്‍ ഞായറാഴ്ച (ജൂണ്‍ 13) 1,006 പേര്‍ക്ക് കോവിഡ് 19 വൈറസ് ബാധ സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു. 13.96 ശതമാനമാണ് ടെസ്റ്റ് പോസിറ്റീവിറ്റി നിരക്ക്. എന്നാല്‍ 2,226 പേര്‍ രോഗവിമുക്തരായി. ഇതോടെ ജില്ലയില്‍ കോവിഡ് ഭേദമായി സാധാരണ ജീവിതത്തിലേക്ക് തിരിച്ചെത്തിയവരുടെ എണ്ണം 2,99,783 പേരായതായും ജില്ലാ മെഡിക്കല്‍ ഓഫീസര്‍ വ്യക്തമാക്കി.
രോഗബാധ സ്ഥിരീകരിച്ചവരില്‍ 952 പേര്‍ രോഗികളുമായി നേരിട്ടുള്ള സമ്പര്‍ക്കത്തിലൂടെ വൈറസ് ബാധിതരായവരാണ്. 20 പേര്‍ക്ക് വൈറസ്ബാധയുണ്ടായതിന്റെ ഉറവിടം കണ്ടെത്താനായിട്ടില്ല. ആരോഗ്യ മേഖലയില്‍ പ്രവര്‍ത്തിക്കുന്ന മൂന്ന് പേര്‍ക്കും വിദേശത്ത് നിന്ന് ജില്ലയില്‍ തിരിച്ചെത്തിയ ഒരാള്‍ക്കും ഇതര സംസ്ഥാനങ്ങളില്‍ നിന്നെത്തിയ 30 പേര്‍ക്കും രോഗബാധ സ്ഥിരീകരിച്ചിട്ടുണ്ട്. 45,534 പേര്‍ ജില്ലയില്‍ ഇപ്പോള്‍ നിരീക്ഷണത്തില്‍ കഴിയുന്നു. 14,872 പേരാണ് ചികിത്സയിലുള്ളത്.
കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില്‍ 873 പേരും കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററുകളില്‍ 236 പേരും 82 പേര്‍ കോവിഡ് സെക്കന്‍ഡ് ലൈന്‍ ട്രീറ്റ്‌മെന്റ് സെന്ററുകളിലുമാണ്. തദ്ദേശഭരണ സ്ഥാപനങ്ങള്‍ക്കു കീഴിലുള്ള പ്രത്യേക താമസ കേന്ദ്രങ്ങളായ ഡൊമിസിലിയറി കെയര്‍ സെന്ററുളില്‍ 839 പേരും ശേഷിക്കുന്നവര്‍ വീടുകളിലും മറ്റുമായും നിരീക്ഷണത്തില്‍ കഴിയുന്നു. ജില്ലയില്‍ ഇതുവരെ 997 പേരാണ് കോവിഡ് ബാധിതരായി മരിച്ചത്.
അതീവ ജാഗ്രതയോടെ സ്വയം സുരക്ഷ ഉറപ്പാക്കണം: ജില്ലാ മെഡിക്കല്‍ ഓഫീസര്‍
മലപ്പുറം ജില്ലയില്‍ കോവിഡ് 19 വൈറസ് വ്യാപന സാധ്യത നിലനില്‍ക്കുന്ന പശ്ചാത്തലത്തില്‍ എല്ലാവരും സ്വയം സുരക്ഷിതരാകുകയും ഒപ്പം പൊതുജനാരോഗ്യം സംരക്ഷിക്കാനുള്ള തീവ്ര ശ്രമത്തില്‍ പങ്കാളികളാകുകയും വേണമെന്ന് ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അഭ്യാര്‍ഥിച്ചു. വൈറസ് വ്യാപനം തടയാന്‍ അതീവ ജാഗ്രത അനിവാര്യമാണ്. വീടുകളില്‍ നിന്ന് പുറത്തിറങ്ങുന്നവര്‍ വൈറസ് ബാധയേല്‍ക്കാനുള്ള സാധ്യത തിരിച്ചറിഞ്ഞ് അത്തരം സാഹചര്യങ്ങളില്‍ നിന്ന് മാറി നില്‍ക്കണം. സാമൂഹ്യ അകലം ഉറപ്പാക്കുന്നതിലും കൈകള്‍ സോപ്പും വെള്ളവുമുപയോഗിച്ചോ സാനിറ്റൈസര്‍ ഉപയോഗിച്ചോ കൃത്യമായ ഇടവേളകളില്‍ ശുചിയാക്കുന്നതിലും വീഴ്ച പാടില്ല. രണ്ട് മാസ്‌കുകളുടെ ശരിയായ ഉപയോഗവും ഉറപ്പു വരുത്തണം.
വീടുകളില്‍ അതീവ ജാഗ്രത തുടരണം. ഏതെങ്കിലും വിധത്തിലുള്ള ആരോഗ്യ പ്രശ്‌നങ്ങളുണ്ടായാല്‍ അടുത്തുള്ള ആരോഗ്യ കേന്ദ്രം, ജില്ലാതല കണ്‍ട്രോള്‍ സെല്‍, ആരോഗ്യ പ്രവര്‍ത്തകര്‍ എന്നിവരുമായി ഫോണില്‍ ബന്ധപ്പെടണമെന്നും ഒരു കാരണവശാലും നേരിട്ട് ആശുപത്രികളില്‍ പോകരുത്. ജില്ലാതല കണ്‍ട്രോള്‍ സെല്ലില്‍ വിളിച്ച് ലഭിക്കുന്ന നിര്‍ദേശങ്ങള്‍ പൂര്‍ണമായും പാലിക്കണം.
ജില്ലാതല കണ്‍ട്രോള്‍ സെല്‍ നമ്പറുകള്‍: 0483 2737858, 2737857, 2733251, 2733252, 2733253.
മലപ്പുറം ജില്ലയില്‍ ഞായറാഴ്ച (ജൂണ്‍ 13) പ്രാദേശികാടിസ്ഥാനത്തില്‍ രോഗബാധിതരായവരുടെ എണ്ണം ചുവടെ ചേര്‍ക്കുന്നു,
എ.ആര്‍ നഗര്‍ 07
ആലങ്കോട് 18
ആലിപ്പറമ്പ് 08
അമരമ്പലം 12
ആനക്കയം 01
അങ്ങാടിപ്പുറം 24
അരീക്കോട് 11
ആതവനാട് 13
ഊരകം 04
ചാലിയാര്‍ 05
ചീക്കോട് 10
ചേലേമ്പ്ര 03
ചെറിയമുണ്ടം 01
ചെറുകാവ് 10
ചോക്കാട് 12
ചുങ്കത്തറ 01
എടക്കര 19
എടപ്പറ്റ 02
എടപ്പാള്‍ 13
എടരിക്കോട് 01
എടവണ്ണ 16
എടയൂര്‍ 10
ഇരിമ്പിളിയം 03
കാലടി 02
കാളികാവ് 06
കല്‍പകഞ്ചേരി 03
കണ്ണമംഗലം 02
കരുളായി 05
കരുവാരക്കുണ്ട് 06
കാവനൂര്‍ 03
കീഴാറ്റൂര്‍ 05
കീഴുപറമ്പ് 10
കോഡൂര്‍ 04
കൊണ്ടോട്ടി 08
കൂട്ടിലങ്ങാടി 04
കോട്ടക്കല്‍ 07
കുറുവ 04
കുറ്റിപ്പുറം 11
കുഴിമണ്ണ 02
മക്കരപ്പറമ്പ് 02
മലപ്പുറം 22
മമ്പാട് 09
മംഗലം 06
മഞ്ചേരി 34
മങ്കട 11
മാറാക്കര 32
മാറഞ്ചേരി 20
മൂന്നിയൂര്‍ 07
മൂര്‍ക്കനാട് 11
മൂത്തേടം 08
മുതുവല്ലൂര്‍ 09
നന്നമ്പ്ര 01
നന്നംമുക്ക് 35
നിലമ്പൂര്‍ 12
നിറമരുതൂര്‍ 10
ഒതുക്കുങ്ങല്‍ 32
ഒഴൂര്‍ 04
പള്ളിക്കല്‍ 04
പാണ്ടിക്കാട് 07
പരപ്പനങ്ങാടി 04
പറപ്പൂര്‍ 01
പെരിന്തല്‍മണ്ണ 36
പെരുമണ്ണ ക്ലാരി 05
പെരുമ്പടപ്പ് 05
പെരുവള്ളൂര്‍ 11
പൊന്മള 14
പൊന്മുണ്ടം 14
പൊന്നാനി 25
പൂക്കോട്ടൂര്‍ 16
പോരൂര്‍ 04
പോത്തുകല്ല് 01
പുലാമന്തോള്‍ 17
പുളിക്കല്‍ 09
പുല്‍പ്പറ്റ 03
പുറത്തൂര്‍ 15
പുഴക്കാട്ടിരി 04
താനാളൂര്‍ 04
താനൂര്‍ 07
തലക്കാട് 06
തവനൂര്‍ 02
താഴേക്കോട് 11
തേഞ്ഞിപ്പലം 03
തെന്നല 02
തിരുനാവായ 24
തിരുവാലി 02
തൃക്കലങ്ങോട് 04
തൃപ്രങ്ങോട് 04
തുവ്വൂര്‍ 03
തിരൂര്‍ 19
തിരൂരങ്ങാടി 05
ഊര്‍ങ്ങാട്ടിരി 11
വളാഞ്ചേരി 09
വളവന്നൂര്‍ 02
വള്ളിക്കുന്ന് 04
വട്ടംകുളം 10
വാഴക്കാട് 05
വാഴയൂര്‍ 15
വഴിക്കടവ് 22
വെളിയങ്കോട് 13
വേങ്ങര 19
വെട്ടത്തൂര്‍ 10
വെട്ടം 20
വണ്ടൂര്‍ 24