എ.എച്ച്.എസ്.ടി.എ ജില്ലാ കമ്മിറ്റി ആദരിച്ചു.

വളാഞ്ചേരി : ഹയർ സെക്കണ്ടറി വിഭാഗം നാഷണൽ സർവീസ് സ്കീം അവാർഡ്‌കൾ പ്രഖ്യാപിച്ചപ്പോൾ വളാഞ്ചേരി ഹയർ സെക്കണ്ടറി സ്കൂളിന് തിളക്കമേറി .

മികച്ച യുണിറ്റ് , മികച്ച പ്രോഗ്രാം ഓഫീസർ, മികച്ച വളണ്ടിയർ എന്നിവർക്കുള്ള ജില്ലാ തല പുരസ്‌കാരമാണ് സ്കൂളിന് ലഭിച്ചത് .

എക്കണോമിക്സ് അധ്യാപകനായ രഞ്ജിത്ത് വി കെ മികച്ച പ്രോഗ്രാം ഓഫീസർ ആയും സാന്ദ്ര എസ് മികച്ച വളണ്ടിയർ ആയും തിരഞ്ഞെടുക്കപ്പെട്ടു .

സഹപാഠി ക്കൊരു വീട് , ബ്ലഡ് ഡൊനേഷൻ ക്യാമ്പ് , ഒരു ചെടി ഒരു പുസ്തകം നല്ല നാട് , 18 ആം ജന്മദിനം രക്തദാനത്തിലൂടെ , വീട്ടിലൊരു അടുക്കളത്തോട്ടം എന്നിങ്ങനെ വൈവിധ്യമാർന്ന പരിപാടികൾ നടപ്പാക്കിയതിനാണ് അവാർഡ് ലഭിച്ചത് .

എ .എച്ച്. എസ്. ടി.എ. സംസ്ഥാന ഓർഗനൈസിംഗ് സെക്രട്ടറി എ.പി.അബ്ദുൾ നാസർ, സംസ്ഥാന അക്കാഡമിക്ക് കൗൺസിൽ കൺവീനർ മനോജ് ജോസ് , ഡോ.എ.സി. പ്രവീൺ എന്നിവർ പങ്കെടുത്തു