ഓണക്കിറ്റുകളുടെ വിതരണം ഇന്നും നാളെയും

തിരുവനന്തപുരം:സ്‌പെഷ്യൽ ഓണക്കിറ്റുകളുടെ വിതരണം ഓണത്തിനു മുമ്പ് പൂർത്തിയാക്കുന്നതിനായി ഇന്നും നാളെയും റേഷൻ കടകൾ പ്രവർത്തിക്കുമെന്ന് മന്ത്രി ജി.ആർ അനിൽ അറിയിച്ചു.

ഇന്നലെ വരെ 50 ലക്ഷത്തോളം കിറ്റുകൾ വിതരണം ചെയ്തു. 30 ലക്ഷത്തോളം കാർഡ് ഉടമകൾ ഇനിയും കിറ്റുകൾ വാങ്ങാനുണ്ട്. ഭക്ഷ്യ കിറ്റിന്റെ ലഭ്യതയുമായി ബന്ധപ്പെട്ട വിഷയങ്ങളിൽ ഈ ദിവസങ്ങളിൽ അടിയന്തര ഇടപെടൽ നടത്തുന്നതിന് മന്ത്രിയുടെ ഓഫീസിൽ പ്രത്യേക സെൽ രൂപീകരിച്ചിട്ടുണ്ട്.

ഇന്ന് 9446443064,7907762654,9656586069, നാളെ 7012600086,8921500553,8330805595 എന്നീ നമ്പറുകളിൽ ബന്ധപ്പെടാം.