അനധികൃതമായി കടത്തുകയായിരുന്ന സൗദി റിയാൽ താനൂർ പോലീസ് പിടികൂടി
താനൂർ: മലപ്പുറം താനൂരിൽ അനധികൃതമായി കടത്തുകയായിരുന്ന സൗദി റിയാൽ പിടികൂടി. കഴിഞ്ഞ ദിവസം രാത്രി താനൂർ സ്റ്റേഷൻ പരിധിയിലെ കുണ്ടുങ്ങൽ അത്താണി എന്ന സ്ഥലത്ത് പോലിസ് വാഹന പരിശോധന നടത്തുന്നതിനിടയിലാണ് സൗദി റിയാലുമായി നാലുപേർ പിടിയിലായത്.
![](https://cityscankerala.com/wp-content/uploads/2021/10/168951-index-1024x473.jpg)
കോഴിക്കോട് കുന്ദമംഗലം മടവൂർ സ്വദേശികളായ നാലു പേർ വന്ന മഹീന്ദ്ര സ്കോർപിയോ വാഹനം പരിശോധിച്ചപ്പോഴാണ് അനധിക്യതമായി കൊണ്ടുപോകുകയായിരുന്ന അമ്പതിനായിരം സൗദി അറേബ്യൻ റിയാൽ (പത്ത് ലക്ഷം ഇന്ത്യൻ രൂപ) പിടിച്ചെടുത്തത് . എസ്ഐ ശ്രീജിത്ത്, എഎസ്ഐ റഹീം യൂസഫ്, സിപിഒ കൃഷ്ണപ്രസാദ് എന്നിവരടങ്ങിയ സംഘമാണ് പിടികൂടിയത്. ഇത് സംബന്ധിച്ചുള്ള കൂടുതൽ അന്വേഷണം തുടരുമെന്ന് സിഐ ജീവൻ ജോർജ് പറഞ്ഞു.