വിദ്യാർഥികൾക്ക് കഞ്ചാവ് വിൽക്കുന്ന തിരുന്നാവായ സ്വദേശി അറസ്റ്റിൽ

കുറ്റിപ്പുറം : വിദ്യാർത്ഥികൾക്ക് കഞ്ചാവ് വിൽക്കുന്ന സംഘത്തിലെ ഒരാൾകൂടി പോലീസ് പിടിയിലായി.

തിരുനാവായ താഴത്തറ കുറുവിൽ മുഹമ്മദ് ബഷീറിനെയാണ് (54) കുറ്റിപ്പുറം പോലീസ് അറസ്റ്റ്‌ ചെയ്തത്. ഇയാളിൽനിന്ന് 250 ഗ്രാം കഞ്ചാവ് പിടിച്ചെടുത്തു.

കുറ്റിപ്പുറം-തിരൂർ റോഡ് പരിസരത്തുനിന്നാണ് എസ്.ഐ. നിഖിലിന്റെ നേതൃത്വത്തിലുള്ള സംഘം ഇയാളെ പിടികൂടിയത്.

വിദ്യാർത്ഥികൾക്ക് ലഹരി വിൽക്കുന്ന സംഘത്തിലെ മൂന്നു യുവാക്കളെ കുറ്റിപ്പുറം പോലീസ് കഴിഞ്ഞ ദിവസം അറസ്റ്റു ചെയ്തിരുന്നു.