നൗഷാദുമാരുടെ സ്‌നേഹ സംഗമം ജനുവരി 2 ന്
മലപ്പുറം : സേവന മേഖലയില്‍ കഴിഞ്ഞ രണ്ടുവര്‍ഷ കാലവും മലപ്പുറം ജില്ലയില്‍ സജീവ സാന്നിധ്യമായ ഒരേ നാമധാരികളുടെ കൂട്ടായ്മയായ നൗഷാദ് അസോസിയേഷന്റെ രണ്ടാം വാര്‍ഷികം ജനുവരി 2 ന് വിപുലമായി ആഘോഷിക്കാന്‍ പ്രവര്‍ത്തക സമിതി മീറ്റിംഗ് തീരുമാനിച്ചു. യോഗത്തില്‍ അംഗങ്ങള്‍ക്കുള്ള ഐഡന്റിറ്റി കാര്‍ഡ്, കലണ്ടര്‍, ചികിത്സാ ധനസഹായം എന്നിവയുടെ വിതരണവും പ്രതിഭകളെ ആദരിക്കലും നടക്കും. മലപ്പുറം കോട്ടക്കുന്ന് വ്യാപാരഭവനില്‍ രാവിലെ പത്തിന് നടക്കുന്ന യോഗം കൊണ്ടോട്ടി എം എല്‍ എ ടി വി ഇബ്രാഹിം ഉദ്ഘാടനം ചെയ്യും. ജില്ലയിലെ നൗഷാദ് നാമധാരികള്‍ ബന്ധപ്പെടുക. ഫോണ്‍ 7902247237.
ഇതു സംബന്ധിച്ച പ്രവര്‍ത്തക സമിതി മീറ്റിംഗില്‍ അസോസിയേഷന്‍ പ്രസിഡന്റ് നൗഷാദ് പാതാരി അധ്യക്ഷത വഹിച്ചു. മറ്റു ഭാരവാഹികളായ നൗഷാദ് വറ്റല്ലൂര്‍, നൗഷാദ് മാമ്പ്ര, നൗഷാദ് ബിസ്മി, നൗഷാദ് കാരാട്ടില്‍, നൗഷാദ് ആലിപ്പറമ്പ്, നൗഷാദ് അരീക്കോട് എന്നിവര്‍ സംസാരിച്ചു.