പിടികൂടാനെത്തിയ പോലീസുകാരുമായി മൽപിടുത്തം; പ്രതിക്ക് വെടിയേറ്റു
കൊല്ലം; പിടികൂടാൻ ശ്രമിക്കുന്നതിനിടെ അക്രമം അഴിച്ചു വിട്ട പ്രതിയ്‌ക്ക് വെടിയേറ്റു. കൊല്ലം പത്തനാപുരത്താണ് സംഭവം. പുനലൂർ പ്ലാച്ചേരി സ്വദേശി മുകേഷിനാണ് വെടിയേറ്റത്.പിടിവലിക്കിടെ പോലീസുകാരുടെ തോക്കിൽ നിന്ന് വെടി ഉതിർക്കുകയും മുകേഷിന് പരിക്കേൽക്കുകയുമായിരുന്നു.
മുഖത്ത് വെടിയേറ്റ മുകേഷിനെ പുനലൂർ താലൂക്ക് ആശുപതിയിൽ പ്രവേശിപ്പിച്ചു. ആക്രമത്തിൽ എസ് ഐ അടക്കം നാല് പോലീസുകാർക്കും പരിക്കേറ്റു. 25 ലേറെ കേസുകളിൽ പ്രതിയാണ് മുകേഷ് എന്ന് പോലീസ് വ്യക്തമാക്കി.