കരിപ്പൂരിൽ റൺവേ നീളം കുറയ്ക്കില്ല

കരിപ്പൂര്‍: വിമാനത്താവളത്തിന്റെ റണ്‍വേ യുടെ നീളം കുറക്കില്ല. റണ്‍വേ നീളം കുറക്കാനുളള നടപടി റദ്ദ് ചെയ്ത് എയർപോർട്ട് അതോറിറ്റി ഉത്തരവിറക്കി. പ്രതിഷേധം ശക്തമായ പശ്ചാത്തലത്തിലാണ് പുതിയ ഉത്തരവ്. റൺവേ നീളം കുറച്ച് റൺവേ എൻഡ് സേഫ്റ്റി ഏരിയ (റെസ) വർധിപ്പിക്കാനുള്ള നടപടിയാണ് റദ്ദാക്കിയത്.

റൺവേ 2860 മീറ്റർ ഉള്ളത് 2540 മീറ്റർ ആയി ചുരുക്കി രണ്ടു വശത്തും റെസ 240 മീറ്ററായി വർധിപ്പിക്കാൻ വേണ്ടിയായിരുന്നു നടപടി. ഇതിനോടൊപ്പമുള്ള അനുബന്ധ പ്രവൃത്തികളും താൽക്കാലികമായി നിർത്തിവെക്കാനാണ് നിർദേശം ലഭിച്ചിരിക്കുന്നത്.

സു​ര​ക്ഷ കൂട്ടാനെന്ന പേരിലായിരുന്നു റി​സയുടെ നീ​ളം വ​ർ​ധി​പ്പി​ക്കാ​ൻ തീരുമാനിച്ചിരുന്നത്. എ​ന്നാ​ൽ, ഇത് വ​ലി​യ വി​മാ​ന സ​ർ​വി​സു​ക​ൾ പു​ന​രാ​രം​ഭി​ക്കു​ന്ന​തി​ന്​ തി​രി​ച്ച​ടി​യാ​കു​മോ എ​ന്ന ആ​ശ​ങ്ക​യു​ണ്ടായിരുന്നു. ക​രി​പ്പൂ​രി​ൽ 2860 മീ​റ്റ​റാ​ണ്​ റ​ൺ​വേ​യു​ടെ നീ​ളം. ഇ​തി​ന്​ ശേ​ഷം 90 മീ​റ്റ​റാ​ണ്​ റി​സ​യു​ള്ള​ത്. 2017ൽ ​റി​സ 240 മീ​റ്റ​ർ വേ​ണ​മെ​ന്ന നി​ർ​ദേ​ശ​ത്തിന്റെ അ​ടി​സ്ഥാ​ന​ത്തി​ൽ റ​ൺ​വേ​യി​ൽ​നി​ന്ന്​ 150 മീ​റ്റ​ർ റി​സ​യാ​യാ​ണ്​ പ​രി​ഗ​ണി​ച്ച​ത്.

ഇ​തി​ന്​ പ​ക​രം റ​ൺ​വേ​യു​ടെ ര​ണ്ട​റ്റ​ത്തും 150 മീ​റ്റ​ർ വീ​തം എ​ടു​ത്ത്​ റി​സ 240 മീ​റ്റ​റാ​യി വ​ർ​ധി​പ്പി​ക്ക​ണ​മെ​ന്നാ​ണ്​​ ഡ​യ​റ​ക്​​ട​റേ​റ്റ്​ ജ​ന​റ​ൽ ഓ​ഫ്​ സി​വി​ൽ ഏ​വി​യേ​ഷ​ൻ (ഡി.​ജി.​സി.​എ) നി​ർ​ദേ​ശിച്ചിരുന്നത്. ര​ണ്ട്​ വ​ശ​ത്തും 240 മീ​റ്റ​ർ ച​തു​പ്പ്​ നി​ല​മാ​യി മാ​റ്റ​ണ​മെ​ന്ന നി​ർ​ദേ​ശ​മാ​ണ്​ ല​ഭി​ച്ച​ത്. ഇ​തി​നാ​യി ര​ണ്ട്​ ഭാ​ഗ​ത്തു​നി​ന്നും 150 മീ​റ്റ​ർ കു​റ​യു​ന്ന​തോ​ടെ റ​ൺ​വേ 2560 മീ​റ്റ​റാ​യി ചു​രു​ങ്ങും. ​ അ​തോ​റി​റ്റി ആ​സ്ഥാ​ന​ത്തു​നി​ന്ന്​ ഇ​തു​മാ​യി ബ​ന്ധ​പ്പെ​ട്ട വി​ശ​ദാം​ശ​ങ്ങ​ൾ ചോ​ദി​ച്ചി​രുന്നു. റ​ൺ​വേ നീ​ളം കു​റക്കുകയാണെങ്കിൽ ര​ണ്ട്​ ഭാ​ഗ​ത്തെ​യും ഇ​ൻ​സ്​​ട്രു​മെൻറ്​ ലാ​ൻ​ഡി​ങ്​ സം​വി​ധാ​നം (​ഐ.​എ​ൽ.​എ​സ്), ലൈ​റ്റി​ങ്​ സം​വി​ധാ​നം, ടേ​ണി​ങ്​ പാ​ഡ്​ തു​ട​ങ്ങി​യ​വ​​യെ​ല്ലാം മാ​റ്റിസ്ഥാ​പി​ക്ക​ണം.

നി​ല​വി​ലെ 2860 മീ​റ്റ​ർ നീ​ള​മു​ള്ള റ​ൺ​വേ പോ​രാ എ​ന്ന കാ​ര​ണം ചൂ​ണ്ടി​ക്കാ​ട്ടി​യാ​ണ്​ വ​ലി​യ വി​മാ​ന സ​ർ​വി​സു​ക​ൾ പു​ന​രാ​രം​ഭി​ക്കാ​നു​ള്ള അ​നു​മ​തി അ​ന​ന്ത​മാ​യി നീ​ട്ടി​ക്കൊ​ണ്ടു​പോ​കു​ന്ന​ത്. ഇ​തി​നി​ട​യി​ലാ​ണ്​ റ​ൺ​വേ 300 മീ​റ്റ​ർ കു​റ​ച്ച്​ 2560 മീ​റ്റ​റാ​ക്കു​ന്ന​തി​നു​ള്ള ന​ട​പ​ടി​ക​ൾ ഉണ്ടാകു​ന്ന​ത്. റ​ൺ​വേയുടെ നീ​ളം കു​റ​ഞ്ഞാൽ, നി​ല​വി​ൽ സ​ർ​വി​സി​ന്​ ത​യാ​റാ​യ വി​മാ​ന ക​മ്പ​നി​ക​ൾ നി​ല​പാ​ട്​ മാ​റ്റാ​നും സാ​ധ്യ​ത​യു​ണ്ട്. റി​സ​യു​ടെ നീ​ളം വ​ർ​ധി​പ്പി​ക്കാ​ൻ മ​റ്റ്​ വ​ഴി​ക​ളു​ണ്ടാ​യി​രി​ക്കെ റ​ൺ​വേ വെ​ട്ടി​ക്കു​റ​ക്കു​ന്ന​ത്​ എ​ന്തി​നാ​ണെ​ന്ന ചോ​ദ്യ​വും ശ​ക്​​ത​മാ​യിരുന്നു. 2860 മീ​റ്റ​ർ റ​ൺ​വേ നി​ല​നി​ർ​ത്തി ത​ന്നെ ര​ണ്ട്​ ഭാ​ഗ​ത്തും റി​സ 150 മീ​റ്റ​ർ കൂ​ടി വ​ർ​ധി​പ്പി​ച്ച്​​ 240 മീ​റ്റ​റാ​ക്കാ​നു​ള്ള സ്ഥ​ലം ല​ഭ്യ​മാ​ണ്. ഇ​തി​നു​ള്ള നി​ർ​മാ​ണ​ച്ചെ​ല​വ്​ മാ​ത്ര​മാ​ണ്​ അ​ധി​കം വ​രു​ക. ഇ​തി​ന്​ പ​ക​രം റ​ൺ​വേ നീ​ളം കു​റ​ച്ചാൽ അത്​ ക​രി​പ്പൂ​രി​ന്​ ക​ന​ത്ത തി​രി​ച്ച​ടി​യാ​കും നൽകുക.