പറശ്ശിനിക്കടവിൽ കോവിഡ് നിയന്ത്രണങ്ങൾ പൂർണമായും നീക്കി

കണ്ണൂർ: കോവിഡ് മൂന്നാം ഘട്ട രോഗവ്യാപനത്തിന്റെ ഭാഗമായി പറശ്ശിനിക്കടവ് മുത്തപ്പൻ മടപ്പുരയിൽ ഏർപ്പെടുത്തിയ നിയന്ത്രണങ്ങൾ നീക്കി. ഇനി മുതൽ ഞായറാഴ്ച ഉൾപ്പെടെയുള്ള ദിവസങ്ങളിൽ അന്നദാനം, ചായ, പ്രസാദം എന്നിവ സാധാരണ പോലെ വിതരണം ചെയ്യും.

രാവിലെ ആറു മണി മുതൽ രാത്രി 8.30 വരെ മടപ്പുരയ്ക്ക് അകത്ത് ദർശന സൗകര്യം ഉണ്ടായിരിക്കും. കുട്ടികൾക്കുള്ള ചോറൂൺ വഴിപാട് രാവിലെ 7.30 മുതൽ വൈകുന്നേരം 4 മണി വരെ നടത്താവുന്നതാണ്. രാവിലെ 7.30 മുതൽ ചായ, പ്രസാദം എന്നിവയുടെ വിതരണം ഉണ്ടായിരിക്കും. ഉച്ചയ്ക്ക് 12 മണിക്കും രാത്രി 8 മണിക്കും അന്നദാനം ഉണ്ടായിരിക്കും. പ്രവേശന കവാടവും വഴിപാട് കൗണ്ടറും രാത്രി 10 മണിക്ക് അടയ്ക്കും.