പൊന്നാനി സ്വദേശി കബീർ പുഴമ്പ്രം ഒരുക്കുന്ന ‘ലാൽ ജോസ്’ നാളെ തിയേറ്ററിൽ
കൊച്ചി: പുതുമുഖതാരങ്ങളെ അണിനിരത്തി ഒരുക്കിയ ലാൽജോസ് നാളെ (18 )ന് റിലീസ് ചെയ്യും. അവതരണത്തിലെ പുതുമയും പ്രമേയത്തിലെ വ്യത്യസ്തതയും കൊണ്ട് ഏറെ ശ്രദ്ധേയമായ ചിത്രമാണ് ലാൽജോസ്. 666 പ്രൊഡക്ഷൻസിന്റെ ബാനറിൽ ഹസീബ് മേപ്പാട്ട് നിർമ്മിച്ച് നവാഗതനായ മലപ്പുറം പൊന്നാനി സ്വദേശി കബീർ പുഴമ്പ്രം ഒരുക്കുന്ന സിനിമയാണ് ലാൽ ജോസ്.
മലയാളത്തിലെ പ്രമുഖ സംവിധായകനായ ലാൽ ജോസിന്റെ പേരുതന്നെയാണ് ചിത്രത്തിന്റെ ടൈറ്റിൽ. സിനിമയെയും സിനിമ പ്രവർത്തകരെയും ആരാധിച്ചു നടക്കുന്ന ഒരു ചെറുപ്പക്കാരന്റെ ജീവിതത്തിലെ വഴിത്തിരിവാണ് ലാൽജോസ് സിനിമയുടെ കേന്ദ്ര പ്രമേയം. സസ്‌പെൻസും ത്രില്ലും നിറഞ്ഞ ഒരു ഫാമിലി എന്റർടൈനറാണ് ലാൽജോസ്. എന്നാൽ പേരു സൂചിപ്പിക്കുന്നതിലൂടെ ചിത്രത്തിന് വളരെ വ്യത്യസ്തമായ ഒരു സസ്‌പെൻസ് ഉണ്ടെന്നും സംവിധായകൻ ചൂണ്ടിക്കാട്ടുന്നു. കുടുംബ പ്രേക്ഷകരെയും യൂത്തിനെയും ഒരുപോലെ ആകർഷിപ്പിക്കുന്ന വളരെ പുതുമയുള്ള ചിത്രം കൂടിയാണ് ലാൽജോസ്. സംഗീതത്തിനും ഏറെ പ്രാധാന്യമുണ്ട്.
ഒട്ടേറെ വെബ്‌സീരിയലുകളിലൂടെ ശ്രദ്ധേയനായ യുവനടൻ ശാരിഖ് ആണ് ലാൽജോസിലെ നായക കഥാപാത്രത്തെ അവതരിപ്പിക്കുന്നത്. പുതുമുഖ നടി ആൻ ആൻഡ്രിയയാണ് ഇതിലെ നായിക. അഭിനേതാക്കൾ – ഭഗത് മാനുവൽ, ജെൻസൺ, റിസബാവ, കലിങ്ക ശശി, ടോണി, മജീദ്, കലാഭവൻ ഹനീഷ്, വിനോദ് കെടാമംഗലം, സാലു കുറ്റനാട്, ദേവി അജിത്ത്, ദേവിക, മാളവിക, ഫജ്ത, രാജേഷ് ശർമ്മ, വി.കെ. ബൈജു. ബാലതാരങ്ങളായ – നിഹാര ബിനേഷ് മണി, ആദിത് പ്രസാദ്. ബാനർ – 666 പ്രൊഡക്ഷൻസ്, നിർമ്മാണം – ഹസീബ് മേപ്പാട്ട്, കഥ, തിരക്കഥ, സംഭാഷണം, സംവിധാനം – കബീർ പുഴമ്പ്ര, ഡി.ഒ.പി. -ബി.ജി.എം-ഗോപി സുന്ദർ. ധനേഷ്, സംഗീതം – ബിനേഷ് മണി, ഗാനരചന – ജോ പോൾ, മേക്കപ്പ് – രാജേഷ് രാഘവൻ, കോസ്റ്റ്യൂംസ് – റസാഖ് തിരൂർ, ആർട്ട് – ബിജു പൊന്നാനി, പ്രൊഡക്ഷൻ കൺട്രോളർ – ഇ.എ. ഇസ്മയിൽ, പ്രൊഡക്ഷൻ എക്‌സിക്യുട്ടീവ് – ജബ്ബാർ മതിലകം, പ്രൊഡക്ഷൻ മാനേജർ – അസീസ് കെ.വി, ലൊക്കേഷൻ മാനേജർ – അമീർ ഇവെൻട്രിക്ക്, ചീഫ് അസോസിയേറ്റ് ഡയറക്ടർ – സനു, പി.ആർ.ഒ. പി.ആർ. സുമേരൻ.
