ആറുവയസ്സുകാരിയെ കെ.എസ്.ആര്‍.ടി.സിയില്‍ വെച്ച് ഉപദ്രവിക്കാന്‍ ശ്രമം; നിലമ്പൂര്‍ സ്വദേശി അറസ്റ്റില്‍.
മലപ്പുറം: കെഎസ്ആര്‍ടിസി ബസില്‍ 6 വയസുകാരിയെ ഉപദ്രവിക്കാന്‍ ശ്രമം നടന്നുവെന്ന് പരാതി. സംഭവത്തില്‍ നിലമ്പൂര്‍ സ്വദേശി ബിജു അറസ്റ്റിലായി. ഇന്നലെ രാത്രി തൃശൂര്‍-കണ്ണൂര്‍ സൂപ്പര്‍ ഫാസ്റ്റ് ബസില്‍ വച്ചാണ് സംഭവമുണ്ടായത്. ഇയാള്‍ മദ്യലഹരിയിലായിരുന്നു.
കോഴിക്കോട് കെഎസ്ആര്‍ടിസി ബസ് സ്റ്റാന്‍ഡില്‍ വച്ചായിരുന്നു സംഭവം. കോഴിക്കോട് നിന്ന് ബസില്‍ കയറിയ യുവാവ് ബസ് മുന്നോട്ടെടുത്തപ്പോള്‍ കുട്ടിയോട് മോശമായി പെരുമാറുകയായിരുന്നു എന്ന് പൊലീസ് പറയുന്നു. ഉടന്‍ കുട്ടിയുടെ അമ്മ കണ്ടക്ടറോട് പരാതി പറഞ്ഞു. തുടര്‍ന്ന് ബസ് നടക്കാവ് പൊലീസ് സ്റ്റേഷനിലേക്ക് എത്തിക്കുകയായിരുന്നു.