ചിറമംഗലത്ത് ബസ്സും സ്കൂട്ടറും കൂട്ടി ഇടിച്ച് സ്കൂട്ടർ യാത്രികന് ദാരുണാന്ത്യം(സി സി ടി വി ദ്യശ്യം)

മലപ്പുറം: പരപ്പനങ്ങാടി താനൂർ റോഡിൽ ചിറമംഗലത്ത് ബസ്സും സ്കൂട്ടറും കൂട്ടി ഇടിച്ച് സ്കൂട്ടർ യാത്രികന് ദാരുണാന്ത്യം. എറണാകുളം പള്ളുരുത്തി കൂവത്തറ സ്വദേശി ഷംലയുടെ മകൻ കെ.എൻ.നിയാസ് (25) ആണ് മരിച്ചത്.

അപകടത്തിൽ തൽക്ഷണം മരണം സംഭവിച്ചു. ഇന്ന് രാവിലെയാണ് അപകടം സംഭവിച്ചത്. അപകടത്തിൽ മരിച്ച യുവാവ് സഞ്ചരിച്ചിരുന്ന സ്കൂട്ടർ പൂർണ്ണമായും തകർന്നിട്ടുണ്ട്. തിരൂരിൽ നിന്നും കോഴിക്കോട്ടേക്ക് പോകുകയായിരുന്ന സ്വകാര്യബസ്സാണ് സ്കൂട്ടറിലിടിച്ച് അപകടമുണ്ടായത്. മൃതദേഹം തിരൂരങ്ങാടി താലൂക്ക് ഹോസ്പിറ്റലിലേക്ക് മാറ്റി.