പെരുന്നാൾ പുഞ്ചിരി

കൂട്ടായി: തീരദേശത്തെ കഷ്ടത അനുഭവിക്കുന്നവർക്ക് കൈ താങ്ങായി എന്റെ കൂട്ടായി കൂട്ടായ്മ സംഘടിപ്പിച്ച പെരുന്നാൾ പുഞ്ചിരി ശ്രദ്ധേയമായി. തീരദേശത്തെ നാനൂറോളം കുടുംബങ്ങൾക്ക് ഭക്ഷ്യ സാധനങ്ങൾ വാങ്ങുന്നതിനുള്ള ആയിരം രൂപയുടെ പർച്ചേസ് കൂപ്പൺ പരിപാടിയുടെ ഭാഗമായി വിതരണം ചെയ്തു.തിരൂർ സർക്കിൾ ഇൻസ്പെക്ടർ ജിജോ വിതരണോദ്ഘാടനം നിർവ്വഹിച്ചു.

ടി.ബി.ആർ കൂട്ടായി അധ്യക്ഷത വഹിച്ചു.കൂട്ടായി ടൗൺ ജുമാ മസ്ജിദ് ഖത്തീബ് ഉമറുൽ ഫറൂഖ് അൻവരി പ്രാർത്ഥന നിർവ്വഹിച്ചു.ഫൈറോസ് മുഹാജിർ,ഇസ്മായിൽ ഹാജി,മഷൂദ് സി.എം.ടി,ബി.എസ്. എൻ.എൽ അബൂബക്കർ,പി.എ നാസർ,സി.എം.ടി സീതി,സലാം താണിക്കാട്,യു.വി പുരുഷോത്തമൻ,എസ് .പി അൻവർ സാദത്ത് എന്നിവർ പ്രസംഗിച്ചു. ടി.സിദ്ധീഖ്,ശിഹാബ്പുളിഞ്ചോട്,സി.പി സലീം,പി.അലികുട്ടി,അൻവർ ഷരീഫ്,റഷീദ് ടി. എന്നിവർ നേതൃത്വം നൽകി.