‘വിജയ’ വര്‍ഷം 2022 ഗാനം പ്രകാശനം ചെയ്തു
മലപ്പുറം: യുവ ഗായികമാരായ മിന്‍ഹ മാമ്പ്രയുടെയും ദില്‍ഹ മാമ്പ്രയുടെയും വിജയവര്‍ഷം @ വണ്‍ എന്ന പേരിട്ട എല്‍ ഡി എഫ് സര്‍ക്കാറിന്റെ ഒന്നാം വര്‍ഷ ആഘോഷ ഗാനം സിപിഎം ജില്ലാ സെക്രട്ടറി ഇ എന്‍ മോഹന്‍ദാസ് പുറത്തിറക്കി. ഇമ്പമാര്‍ന്ന ഈണത്തിലാണ് ഗായികമാര്‍ ഗാനം ആലപിച്ചതെന്ന് ഇ എന്‍ അഭിപ്രായപ്പെട്ടു.
ഇക്കഴിഞ്ഞ പഞ്ചായത്ത്, നിയമസഭ തെരഞ്ഞെടുപ്പുകളിലും ഈ സഹോദരിമാര്‍ പാടിയ പാട്ടുകള്‍ വൈറലായിരുന്നു. നൗഷാദ് പൊന്മള എഴുതിയ ഈ ഗാനം റിക്കാര്‍ഡിംഗ് നിര്‍വ്വഹിച്ചത് മുത്തുഹിമയാണ്. മലപ്പുറം മുനിസിപ്പല്‍ കൗണ്‍സിലര്‍ കെ പി എ ഷെരീഫ് , നൗഷാദ് മാമ്പ്ര എന്നിവര്‍ ചടങ്ങിന് നേതൃത്വം നല്‍കി. മിന്‍ഹ എന്‍ ദില്‍ഹ യുട്യൂബ് ചാനലിലൂടെയാണ് പാട്ട് റിലീസ് ചെയ്തത്.