വിനോദ് ആലത്തിയൂരിന്റെ പുസ്തക പ്രകാശനവും ചിത്ര പ്രദര്‍ശനവും.
മലപ്പുറം; വിനോദ് ആലത്തിയൂരിന്റെ ‘വികാരങ്ങള്‍ വ്രണപ്പെടാനുള്ളതാണ്’ എന്ന പുസ്തകത്തിന്റെ പ്രകാശനവും മൂന്ന് ദിവസത്തെ ചിത്ര പ്രദര്‍ശനവും
കോട്ടക്കുന്ന് ലളിതകലാ അക്കാദമി ആര്‍ട്ട് ഗ്യാലറിയില്‍ നടക്കും.
മെയ് 27 ന് വെള്ളിയാഴ്ച 11 മണിക്ക് കവി ആലങ്കോട് ലീലാകൃഷ്ണന് നല്‍കിക്കൊണ്ട് മലയാളം സര്‍വകലാശാല വൈസ് ചെയര്‍മാന്‍ ഡോ. അനില്‍ വള്ളത്തോള്‍ പുസ്തകത്തിന്റെ പ്രകാശനം നിര്‍വ്വഹിക്കും. എച്ച്. ആന്റ് സി. പബ്ലിക്കേഷന്‍സ് പുറത്തിറങ്ങുന്ന വിനോദിന്റെ മൂന്നാമത്തെ കവിതാ സമാഹാരമാണിത്.
‘ നിറഭേദങ്ങളുടെ കാലം ‘ എന്ന പേരിലുള്ള ചിത്രപ്രദര്‍ശനത്തിന്റെ ഉദ്ഘാടനം ആര്‍ട്ടിസ്റ്റ് മദനന്‍ അന്നേ ദിവസം നിര്‍വ്വഹിക്കും.അജിത് കൊളാടി,ഇ.എം.സതീശന്‍ ,എ.പി. അഹമ്മദ്, വി.പി. മന്‍സിയ, ഡോ.രഘുറാം , എ. ശിവദാസന്‍ തുടങ്ങിയവര്‍ പരിപാടിയില്‍ സംബന്ധിക്കും.കോവിഡ്കാലത്ത് വരച്ചതടക്കമുള്ള 60 ചിത്രങ്ങള്‍ പ്രദര്‍ശനത്തിലുള്‍പ്പെടും.ചിത്ര പ്രദര്‍ശനം 29 ന് അവസാനിക്കും.