നിരോധിത മയക്കുമരുനുമായി യുവാവ് പിടിയിൽ

മണ്ണാർക്കാട്: നിരോധിത മയക്കുമരുന്നായ എം.ഡി.എം.എയുമായി യുവാവ് പിടിയിൽ. പെരിന്തൽമണ്ണ അങ്ങാടിപ്പുറം പുത്തനങ്ങാടി സ്വദേശി മുഹമ്മദ് ഷിബിലിനെയാണ് (20) മണ്ണാർക്കാട് പൊലീസ് പിടികൂടിയത്.

മൂന്നു ഗ്രാം മയക്കുമരുന്നാണ് പിടികൂടിയത്. മണ്ണാർക്കാട് എസ്.ഐ ജസ്റ്റിനും സംഘവുമാണ് ചൊവ്വാഴ്ച രാത്രി പരിശോധനക്കിടെ നെല്ലിപ്പുഴയിൽവെച്ച് പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.