അയൽവാസിയെ കുത്തി കൊല്ലാൻ ശ്രമിച്ച പ്രതി തിരൂർ പോലീസിന്റെ പിടിയിൽ

തിരൂർ: പറവണ്ണ സ്വദേശിയായ യുവാവിനെ കത്തി കൊണ്ട് കുത്തി പരിക്കേൽപ്പിച്ചു കൊല്ലാൻ ശ്രമിച്ച കേസിൽ പറവണ്ണയിൽ താമസക്കാരനായ താമരശ്ശേരി ഹുസൈൻ (50) നെ തിരൂർ സി.ഐ ജിജോയുടെ നേതൃത്വത്തിലുള്ള പോലീസ് സംഘം പിടികൂടി. തി

ങ്കളാഴ്ച രാത്രിയിലാണ് പ്രതി മദ്യപിച്ച് മുൻ വിരോധത്താൽ സമീപവാസികളായ യുവാക്കളെ ആക്രമിച്ചത്. വയറിനു ഗുരുതരമായി പരിക്കേറ്റ ഒരാൾ കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലാണ്. സംഭവ ശേഷം ഒളിവിൽ പോയ പ്രതിയെ ചാവക്കാടുള്ള വീട്ടിൽ വച്ചാണ് പോലീസ് സംഘം പിടികൂടിയത്. തിരൂർ പ്രൊബേഷൻ എസ്.ഐ സനീത്, സിവിൽ പോലീസ് ഓഫീസർമാരായ ഉണ്ണിക്കുട്ടൻ,ധനീഷ്കുമാർ എന്നിവരുൾപ്പെട്ട പോലീസ് സംഘമാണ് പ്രതിയെ പിടികൂടിയത്. തിരൂർ കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.