കേരളത്തിന്റെ വികസനം കെ. കരുണാകരന്റെ സംഭാവന

പൊന്നാനി: കേരളത്തിന്റെ വികസനത്തിൽ ലീഡർ.കെ കരുണാകരന്റെ സംഭാവന മറ്റൊരു ഭരണാധികരിക്കും അവകാശപ്പെടാൻ കഴിയാത്തതാണെന്ന് കെ.പി.സി.സി മെമ്പർ വി. സെയ്ദ് മുഹമ്മദ് തങ്ങൾ അഭിപ്രായപ്പെട്ടു. പൊന്നാനിയിൽ കെ. കരുണാകരൻ ജന്മദിന പരിപാടിയിൽ സംസാരിക്കുകയായിരുന്നു അദ്ദേഹം. കേരളത്തിലെ പതിനാല് ജില്ലകളിലും കരുണാകര സ്പർശമുള്ള എന്തെങ്കിലും വികസന പദ്ധതികളുണ്ടാകും.

നാല് തവണ മുഖ്യമന്ത്രിയായ അദ്ദേഹത്തിന്റെ പ്രവർത്തനത്തിന്റെ അടയാളമാണ് കേരളത്തിൽ എങ്ങും നിറഞ്ഞ് നിൽക്കുന്നത്. കൊച്ചി അന്തരാഷ്ട്ര വിമാനത്താവളം ആയാലും, ജവഹർലാൽ നെഹ്‌റു അന്തരാഷട്ര സ്റ്റേഡിയം തുടങ്ങിയ നിരവധി സംരഭങ്ങൾ കൊണ്ടു വന്നതും നടപ്പാക്കിയതും കെ. കരുണാകരന്റെ ഭരണകാലത്തായിരുന്നു എന്നത് കോൺഗ്രസിനും അഭിമാനം നൽകുന്നവയാണ്. അദ്ദേഹം കൂട്ടിച്ചേർത്തു.