ആര്‍ട്ട്‌കോ മലപ്പുറം ബ്രാഞ്ചിന്റെ ഉദ്ഘാടനം
ആര്‍ട്ട്‌കോ മലപ്പുറം ബ്രാഞ്ചിന്റെ ഉദ്ഘാടനം തിങ്കളാഴ്ച മന്ത്രി വി എന്‍ വാസവന്‍ നിര്‍വ്വഹിക്കും. കുന്നമ്മല്‍ സെന്‍ട്രല്‍ സ്‌കൂളിനു സമീപമാണ് ബ്രാഞ്ച് പ്രവര്‍ത്തിക്കുക.
സമൂഹത്തിലെ അസംഘടിതരായ പരമ്പരാഗത ആര്‍ട്ടിസാന്‍സുകളുടെ പുരോഗതി ലക്ഷ്യമാക്കിയാണ് ആര്‍കോ പ്രവര്‍ത്തിക്കുന്നത്. തിരുനന്തപുരം ആസ്ഥാനമായി പ്രവര്‍ത്തിക്കുന്ന ആര്‍ട്ട്‌കോക്ക് കൊല്ലം, ആലപ്പുഴ, കോട്ടയം, തൃശ്ശൂര്‍, പാലക്കാട്, കോഴിക്കോട് എന്നിവിടങ്ങളില്‍ ഓഫീസുകള്‍ പ്രവര്‍ത്തിക്കുന്നുണ്ട്. മലപ്പുറം ഓഫീസിന്റെ ഉദ്ഘാടനം ടൗണ്‍ഹാളില്‍ തിങ്കളാഴ്ച ഉച്ചക്ക് രണ്ട് മണിക്ക് മന്ത്രി വി എന്‍ വാസവന്‍ നിര്‍വ്വഹിക്കും. പി ഉബൈദുളള എം എല്‍ എ അദ്ധ്യക്ഷതവഹിക്കും. ആര്‍ട്ട്‌കോ ഷോറൂം ഉദ്ഘാടനം കാഡ്‌കോ ചെയര്‍മാന്‍ നെടുവത്തൂര്‍ സുന്ദരേശനും, സോഫ്റ്റ് വെയര്‍ ഉദ്ഘാടനം ശശികുമാറും നിര്‍വ്വഹിക്കും. വര്‍ക്ക് ഓര്‍ഡര്‍ സ്വീകരിക്കല്‍ ജില്ലാ പഞ്ചായത്ത് പ്രസിഡന്റ് എം കെ റഫീഖയും, സ്ഥിര നിക്ഷേപ സമാഹരണം മാമ്പറ്റ ശ്രീധരനും, എം ഡി എസ്സ് ഉദ്ഘാടനം മലപ്പുറം നഗരസഭ ചെയര്‍മാന്‍ മുജീബ് കാടേരിയും നിര്‍വ്വഹിക്കും.
ആര്‍ട്ട്‌കോ സെക്രട്ടറി സി വി മത്യു റിപ്പോര്‍ട്ട് അവതരിപ്പിക്കും. ആര്‍ട്ട്‌കോ ചെയര്‍മാന്‍ വി എസ് അനൂപ്, പി കെ ഷാജഹാന്‍, ജി രാജന്‍, വി പി അനില്‍, വി പി ജോയി, കെ മജ്‌നു, ബി ബഷീര്‍ തുടങ്ങിയവര്‍ സംസാരിക്കും. ആര്‍ട്ട്‌കോ ചെയര്‍മാന്‍ വി എസ് അനൂപ്, സെക്രട്ടറി സി വി മാത്യു, ഡയറക്ടര്‍ എം മോഹര്‍ദാസ് എന്നിവര്‍ വാര്‍ത്താസമ്മേളനത്തില്‍ പരിപാടികള്‍ വിശദീകരിച്ചു.