പ്രായപൂർത്തിയാവാത്ത പെൺകുട്ടിയെ കൂട്ട ബലാത്സംഗത്തിന് ഇരയാക്കിയ സംഭവം ; കുട്ടിയെ എത്തിച്ച ഓട്ടോ ഡ്രൈവർ അറസ്റ്റിൽ

മലപ്പുറം: മലപ്പുറത്തുള്ള പ്രായപൂർത്തിയാവാത്ത പെൺകുട്ടിയെ തട്ടിക്കൊണ്ടുപോയി കൂട്ട ബലാത്സംഗത്തിനിരയാക്കിയ സംഭവത്തിൽ ഒരാൾ കൂടി പിടിയിൽ . ഓട്ടോ റിക്ഷ ഡ്രൈവറായ മലപ്പുറം ഹാജിയാർ പള്ളി മൂലയിൽ വീട്ടിൽ ശ്രീജിത്ത് (35) നെ യാണ് മലപ്പുറം ഡിവൈഎസ്പി അബ്ദുൽ ബഷീറിന്റെ നേതൃത്വത്തിൽ എസ്.സി.പി. ഒ മാരായ ശ്രീലാൽ , മുസ്തഫ എന്നിവരടങ്ങിയ

അന്വേഷണസംഘം അറസ്റ്റ് ചെയ്തത്. രാത്രികാല ഓട്ടോ റിക്ഷ ഓടുന്നതിന്റെ മറവിൽ പീഡനത്തിനിരയായ പെൺകുട്ടിയെ കടത്തികൊണ്ടുവരാൻ പ്രതികൾക്ക് സഹായം ചെയ്ത കുറ്റത്തിനാണ് ഇയാളെ അറസ്റ്റ് ചെയ്തത്. ഇയാൾക്ക് ഇതിനു മുമ്പ് ഒരു പോക്സോ കേസുൾപ്പെടെ മുന്ന് കേസുകൾ നിലവിലുണ്ട്. ഇത്തരത്തിലുള്ള മറ്റ് സംഭവങ്ങൾ ഉണ്ടോയെന്ന് പോലീസ് അന്വേഷിച്ചു വരികയാണ്.