വാല്‍പ്പാറയിലെ പുഴയില്‍ അഞ്ച് കോളജ് വിദ്യാര്‍ഥികള്‍ മുങ്ങിമരിച്ചു
അതിരപ്പിള്ളി: വാല്‍പ്പാറയില്‍ വിനോദയാത്രക്കെത്തിയ അഞ്ച് കോളജ് വിദ്യാര്‍ഥികള്‍ മുങ്ങിമരിച്ചു. കോയമ്ബത്തൂര്‍ ഉക്കടം എസ്.എൻ.എം.വി കോളജിലെ ബിരുദ വിദ്യാര്‍ഥികളും കോയമ്ബത്തൂര്‍ കിണത്തുകടവ സ്വദേശികളുമായ ധനുഷ്, അജയ്, വിനീത് കുമാര്‍, ശരത്ത്, നബീല്‍ എന്നിവരാണ് മരിച്ചത്.
വെള്ളിയാഴ്ച ഉച്ചക്കുശേഷമാണ് അപകടം. വാല്‍പ്പാറക്ക് മൂന്ന് കിലോമീറ്റര്‍ അകലെ ചുങ്കം പുഴയിലാണ് അപകടം. അഞ്ച് ബൈക്കുകളിലായി എത്തിയ 10 അംഗ സംഘത്തിലുള്ളവരാണ് മരിച്ചത്. വാല്‍പ്പാറ സന്ദര്‍ശനത്തിനു ശേഷം തിരിച്ചുപോകുമ്ബോള്‍ പുഴയില്‍ കുളിക്കാനിറങ്ങിയ ഇവര്‍ ഒഴുക്കില്‍പ്പെടുകയായിരുന്നു.
കൂടെയുള്ളവരുടെ നിലവിളി കേട്ടെത്തിയ നാട്ടുകാരും പൊലീസും ചേര്‍ന്ന് മൃതദേഹങ്ങള്‍ മുങ്ങിയെടുത്തു. മൃതദേഹങ്ങള്‍ വാല്‍പ്പാറ സര്‍ക്കാര്‍ ആശുപത്രി മോര്‍ച്ചറിയില്‍. വിവരമറിഞ്ഞ് ഇവരുടെ ബന്ധുക്കള്‍ വാല്‍പ്പാറയിലേക്ക് തിരിച്ചിട്ടുണ്ട്.