ചെറിയ സമ്മാനത്തുകയില്ല; ലോട്ടറി ടിക്കറ്റ് വലിച്ചെറിഞ്ഞു: കിട്ടിയത് ഒരു കോടി
സമ്മാനമില്ലെന്നുകരുതി വീട്ടിലെ ചവറ്റുകുട്ടയില്‍ ഉപേക്ഷിച്ച ലോട്ടറി ടിക്കറ്റിന് അടിച്ചത് ഒരു കോടി രൂപ. സംശയം തോന്നി വീണ്ടും ഫലം നോക്കിയപ്പോഴാണു ചുരുട്ടിക്കളഞ്ഞതു വലിയ ഭാഗ്യമാണെന്നു മൂലവട്ടം ചെറുവീട്ടില്‍ വടക്കേതില്‍ സി.കെ.സുനില്‍കുമാര്‍ (53) തിരിച്ചറിഞ്ഞത്.
ഫിഫ്റ്റിഫിഫ്റ്റി ലോട്ടറിയുടെ ഒന്നാം സമ്മാനമാണ് സുനില്‍കുമാറിന് ലഭിച്ചത്. ഒരു കോടിരൂപയാണ് സമ്മാന തുക. പൂവന്തുരുത്ത് പ്ലാമ്മൂട് സ്റ്റാന്‍ഡിലെ ഓട്ടോെ്രെഡവറാണ് സുനില്‍ കുമാര്‍. വ്യാഴാഴ്ച പത്രത്തില്‍ ടിക്കറ്റിന്റെ ഫലം നോക്കുകയായിരുന്നു സുനില്‍ കുമാര്‍ ചെറിയ സമ്മാനങ്ങളുടെ നമ്ബറുകള്‍ ഒത്തുനോക്കിയെങ്കിലും സമ്മാനം ഒന്നുമില്ലെന്ന് കണ്ടതിനെ തുടര്‍ന്ന് ടിക്കറ്റ് വീട്ടിലെ ചവറ്റുകൊട്ടയില്‍ ഉപേക്ഷിക്കുകയായിരുന്നു.
വീട് പണയം വച്ചെടുത്ത വായ്പയുടെ തിരിച്ചടവു മുടങ്ങിയിരിക്കുമ്ബോഴാണു സുനില്‍കുമാറിനെ ഭാഗ്യം കടാക്ഷിച്ചത്. അമ്മ സരസമ്മയും ഭാര്യ ബിന്ദുവും മകള്‍ സ്‌നേഹയും മരുമകന്‍ ജെനിഫും ഭാഗ്യനേട്ടത്തിന്റെ സന്തോഷത്തിലാണ്.