മലയാളി ഫോറം ഓണാഘോഷം
ബംഗളൂരു: ബാംഗ്ലൂര്‍ മലയാളി ഫോറത്തിന്റെ ഓണാഘോഷം കോറമംഗലയിലെ സെൻ ജോണ്‍സ് ഓഡിറ്റോറിയത്തില്‍ നടന്നു. കര്‍ണാടക ഗതാഗത മന്ത്രി രാമലിംഗ റെഡി, എസ്.ജി പാളയ മുൻ കോര്‍പറേറ്റര്‍ ജി.മഞ്ജുനാഥ്, പൊതുപ്രവര്‍ത്തകൻ മഞ്ജുനാഥ്, സിനിമതാരം അശ്യൻ വിജയൻ തുടങ്ങിയവര്‍ മുഖ്യാതിഥികളായിരുന്നു. ഓണാഘോഷ പരിപാടിയില്‍ സാംസ്കാരിക പരിപാടികള്‍, ശിങ്കാരിമേളം, ഓണസദ്യ, ജാസി ഗിഫ്റ്റ് നയിച്ച ബാന്റ്ഷോ എന്നിവ നടന്നു. ഇത് സംബന്ധിച്ച യോഗത്തില്‍ പ്രസിഡന്റ് അഡ്വ. മെൻറ്റോ ഐസക് അധ്യക്ഷത വഹിച്ചു.
സെക്രട്ടറി മധു കലമാനൂര്‍, ഷിബു ശിവദാസ്, അരുണ്‍ ജോര്‍ജ്, സജീവ് ഇ.ജെ, ഷാജി ആര്‍. പിള്ള, പി.ജെ. ജോജോ, ചാര്‍ളി മാത്യു തുടങ്ങിയവര്‍ സംസാരിച്ചു. പായസ മത്സരത്തില്‍ മിനി ജോണ്‍, ജോര്‍ളി ജയ്സൻ, സല്‍മാന ബഷീര്‍ എന്നിവര്‍ ഒന്ന്, രണ്ട്, മൂന്ന് സ്ഥാനങ്ങള്‍ നേടി. ഷാജു ദേവസ്സി, രവി ചന്ദ്രൻ, ഗോപാലകൃഷ്ണൻ, ഹെരോള്‍ഡ്മാത്യു, ബൈജു എം.എ, അനില്‍ ധര്‍മപതി, ഡോ. ബീന, അശ്വതി, ജയാരവി, വിജയൻ തോന്നൂര്‍ തുടങ്ങിയവര്‍ നേതൃത്വം നല്‍കി.