അമ്പതോളം പാക്കറ്റ് കഞ്ചാവുമായി കബീർ എന്ന പൂള കബീർ മഞ്ചേരി പോലീസിന്റെ പിടിയിൽ
മഞ്ചേരി : സ്കൂൾ കുട്ടികൾക്കും യുവാക്കൾക്കും മഞ്ചേരി പഴയ ബസ് സ്റ്റാൻഡ് കേന്ദ്രീകരിച്ച് കഞ്ചാവ് വില്പന നടത്തുന്ന മഞ്ചേരി കോളേജ് കുന്ന് സ്വദേശി കൈപ്പകശ്ശേരികബീർ എന്ന പൂള കബീറിനെ (42) യാണ് മഞ്ചേരി പോലീസ് സബ് ഇൻസ്പെക്ടർ സത്യപ്രസാദിന്റെ നേതൃത്വത്തിലുള്ള പ്രത്യേക അന്വേഷണ സംഘം മഞ്ചേരി പഴയ ബസ്സ്റ്റാൻഡിൽ വെച്ച് പിടികൂടിയത്.
പോലീസിലും എക്സൈസിലുമായിമായി ഇരുപത്തിയഞ്ചിലധികം കഞ്ചാവ് കേസിലെ പ്രതിയാണ് കബീർ.
കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
മഞ്ചേരി പോലീസ് ഇൻസ്പെക്ടർ റിയാസ് ചാക്കീരിയുടെ നിർദ്ദേശപ്രകാരം, എസ് ഐ സത്യപ്രസാദ്, പോലീസ് ഉദ്യോഗസ്ഥരായ അനീഷ് ചാക്കോ, ഐ കെ ദിനേഷ്, രതീഷ്, തൗഫീഖ് മുബാരക്ക്, റിയാസ്, എന്നിവരാണ് പ്രതിയെ പിടികൂടി കേസ് അന്വേഷണം നടത്തുന്നത്.