കേന്ദ്ര വാര്‍ത്താവിതരണ പ്രക്ഷേപണ മന്ത്രാലയ സെക്രട്ടറിയായി സഞ്ജയ് ജാജു ചുമതലയേറ്റു
ന്യൂഡല്‍ഹി: കേന്ദ്ര വാർത്താവിതരണ പ്രക്ഷേപണ മന്ത്രാലയം സെക്രട്ടറിയായി സഞ്ജയ് ജാജു ചുമതലയേറ്റു. തെലങ്കാന കാഡറില്‍ നിന്നുള്ള 1992 ബാച്ച്‌ ഐ.എ.എസ് ഉദ്യോഗസ്ഥനാണ്.
ജാജു, 2018 മുതല്‍ 2023 വരെ കേന്ദ്ര സർക്കാറിന്‍റെ അഡീഷണല്‍ സെക്രട്ടറിയായും 2014 ഒക്ടോബർ മുതല്‍ 2018 മാർച്ച്‌ വരെ നാഷണല്‍ ഹൈവേസ് ആൻഡ് ഇൻഫ്രാസ്ട്രക്ചർ ഡെവലപ്‌മെൻ്റ് കോർപ്പറേഷൻ ലിമിറ്റഡിൻ്റെ ഡയറക്ടറായും 2011 മേയ് മുതല്‍ 2014 ഒക്ടോബർ വരെ ആന്ധ്രാപ്രദേശ് ഗവണ്‍മെന്‍റിന്‍റെ (ഇലക്‌ട്രോണിക്‌സ്, ഐ.ടി, കമ്മ്യൂണിക്കേഷൻസ് വകുപ്പ്) സെക്രട്ടറിയായും പ്രവർത്തിച്ചിട്ടുണ്ട്.